दोहा– बिदामा रहेका नेपाली कामदार ओमान फर्किँदा नो अब्जेक्सन लेटर (एनओसी) आवश्यक नपर्ने भएको छ ।
ओमानले यसअघि बिदामा नेपालमा रहेका श्रमिकलाई ओमान प्रवेशका लागि एनओसी अनिवार्य गरे पनि अब भने नचाहिने जानकारी गराएको ओमानस्थित नेपाली दूताबासले जनाएको छ ।
दूताबासका अनुसार ओमान सरकारको पछिल्लो निर्णयअनुसार अब एनओसी लिनु नपर्ने व्यवस्था गरिएको जनाएको हो ।
बिदामा आएकाहरू अब ६ महिनाभन्दा बढी अवधि भए पनि एनओसी बिनै जान पाउनेछन् ।
१ अक्टोबरदेखि ओमानको अन्तर्राष्ट्रिय विमानस्थल खुलेको र पिसिआरलगायत स्वास्थ्य सम्बन्धी आवश्यक प्रोटोकल पूरा गरी नेपालबाट ओमान तथा ओमानबाट स्वदेश सहजरूपमा फर्किन सकिने दूताबासले जनाएको छ ।
-1752335779.jpg)
