काठमाडौं– नेपाल वैदेशिक रोजगार व्यवसायी संघले वैदेशिक रोजगार व्यवसायी नवलकिशोर यादवलाई संघको सल्लाहकारमा मनोनयन गरेको छ । संघको विधानको दफा १३ बमोजिम बुधबार कार्यबाहक अध्यक्ष कमल तामाङले यादवलाई सल्लाहकारमा मनोनयन गरेको संघका महासचिव सुजितकुमार श्रेष्ठले जानकारी गराए ।
संघमा युवा तथा व्यवसायीका हकहितमा लड्ने जुझारु व्यक्तिको आगमनले कार्यसमितिलाई थप उचाइ“मा पु¥याउने पनि महासचिव श्रेष्ठले बताएका छन् । बुधबार संघमा मनोनित भएका यादव शान नेपाल प्रा.लि. का सञ्चालक हुन् ।
नेपाल लोकतान्त्रिक वैदेशिक रोजगार व्यावसायी एसोसिएसनका सदस्य यादवले आफूलाई संघले समावेशी र कार्यक्षमताअनुरूप सल्लाहकारमा मनोनित गरेको बताएका छन् । उनले भने, ‘समावेशी सिद्धान्तअनुरूप नै मलाई संघले सल्लाहकार पदमा मनोनयन गरेको हो । कोभिड–१९ को महामारीमा वैदेशिक क्षेत्रमा हामीले गर्नुपर्ने थुपै्र चुनौती र समस्याहरू छन् ।’ कोभिड–१९ का कारण अहिले वैदेशिक क्षेत्रमा उत्पन्न भएका समस्या समाधानका लागि संघका पदाधिकारी र व्यवसायीहरू एक ढिक्का भई लागिपर्ने उनले बताए ।
संघको विधानमा संघको सल्लाहकारमा ५ जना मनोनित हुनुपर्ने व्यवस्था रहेको छ । बुधबार संघमा यादवको आगमनसँगै केन्द्रीय कार्यसमितिले पूर्णता पाएको छ । संघका पूर्वअध्यक्ष विमलप्रसाद ढकालले आफ्नो कार्य व्यवस्तता देखाएर राजीनामा दिएपछि सदस्य पद रिक्त भएको थियो । सो स्थानमा यादवलाई मनोनयन गरिएको महासचिव श्रेष्ठले बताए ।
-1745656903.jpeg)