काठमाडौं– कोभिड–१९ संकट व्यवस्थापन केन्द्र (सिसिएमसी) ले विदेशबाट ६७ हजार ७ सय ६९ नेपालीको उद्धार गरेको जनाएको छ ।
१ असोजसम्म ३० देशबाट ४ सय ३६ उडान गरेर कोभिड–१९ कारण समस्यामा परेका
६७ हजार ७ सय ६९ जनाको उद्धार गरिएको सिसिएमसीले जनाएको हो ।
सिसिएमसीका अनुसार पछिल्लो समय ४९ नियमित उडान गरेर विदेशबाट नेपालीको उद्धार गरिएको छ ।
हालसम्म सबैभन्दा बढी युएइबाट नेपालीको उद्धार गरिएको सिसिएमसीले जनाएको छ ।
सिसिएमसीका अुनसार युएइबाट १९ हजार २ सय १२ नेपालीको उद्धार गरिएको छ । युएइपछि मलेसियाबाट १० हजार ४ सय ६७, साउदी अरबबाट ९ हजार ७ सय ७४, कतारबाट ९ हजार ६५, कुवेतबाट ७ हजार ६ सय ५३ र जापानबाट १ हजार ७ सय ५४ नेपाली फर्किएका छन् ।
जापानपछि दक्षिण कोरियाबाट १ हजार १ सय ६५, ओमानबाट १ हजार १ सय ५०, बहराइनबाट १ हजार १ सय २८, अष्ट्रेलियाबाट १ हजार ९१, बंगलादेशबाट ८ सय ७६, माल्दिभ्सबाट ८ सय ५३, टर्कीबाट ७ सय ९९ नेपाली फर्किएको सिसिएमसीले जनाएको छ ।
सिसिएमसीका अनुसार अमेरिकाबाट ४ सय २३, थाइल्यान्डबाट ३ सय २६, चीनबाट ३ सय ९, सिंगापुरबाट २ सय ९७, दक्षिण सुडानबाट २ सय ५०, बेलायतबाट २ सय २९, हङकङबाट २ सय २६, फिलिपिन्सबाट २ सय १ र इजरायलबाट १ सय २७ नेपाली फर्किएका छन् ।
यस्तै, इजरायलपछि पाकिस्तानबाट १ सय ११, भारतबाट ८५, अफ्रिकाबाट ६८, अफगानिस्तानबाट ५०, इराकबाट ३९, म्यानमारबाट २६, स्विट्जरल्यान्डबाट १० र श्रीलंकाबाट ५ नेपाली फर्किएको सिसिएमसीले जनाएको छ ।
फर्किएकामध्ये
४७ हजार ७ सय ७६ नेपाली प्रदेशमा गएको सिसिएमसीले जनाएको छ ।
सिसिएमसीका अुनसार बाग्मती प्रदेशका सबैभन्दा बढी नेपाली १८ हजार ९ जना गएका छन् ।
बाग्मती प्रदेशपछि प्रदेश १ बाट १४ हजार ८८, प्रदेश न.२ बाट ११ हजार ३ सय ४१, प्रदेश न. ५ बाट ११ हजार १ सय ५९, गण्डकी प्रदेशबाट ८ हजार ७ सय १०, सुदूरपश्चिम प्रदेशबाट १ हजार ६ सय ८३ र कर्णाली प्रदेशबाट १ हजार ४ सय ८४ फर्किएका सिसिएमसीले जनाएको छ ।
प्रदेशगत विवरण प्राप्त नभएकातर्फ १ हजार २ सय ९५ रहेको सिसिएमसीले जनाएको छ ।
फर्किएका ६७ हजार ७ सय ६९ मध्ये८११ हजार २ सय ५९ क्वारेन्टिनमा रहेका छन् ।
सिसिएमसीका अनुसार होटेलमा ५ हजार ७ सय १८, होममा ७ हजार ६ सय ७६ र स्थानीयमा ४ हजार ८ सय ६५ क्वारेन्टिनमा रहेका छन् । यस्तै, अस्पतालमा ६७ र अन्यमा ६ सय ६७ जना रहेको सिसिएमसीले जनाएको छ ।
हालसम्म विदेशबाट ३ सय ४७ शव ल्याएको सिसिएमसीले जनाएको छ ।
सिसिएमसीका अनुसार सबैभन्दा बढी मलेसियाबाट १ सय १२, साउदी अरबबाट १ सय ६, कतारबाट ६५, युएइबाट ३५, कुवेतबाट ११, बहराइनबाट ११, ओमानबाट २ नेपालीको शव ल्याइएको छ ।
त्यस्तै, दक्षिण कोरियाबाट २, माल्दिभ्सबाट १, चीनबाट १, टर्कीबाट १ शव ल्याइएको सिसिएमसीले जनाएको छ ।
