दोहा– ओमानमा कोभिड–१९ को महामारीको कारण सिर्जित विषम परिस्थितिले गर्दा नेपाल फर्कन दूताबासमा नाम टिपाएका मध्येबाट शनिबार पाँचौँ उडानमार्फत ३९ महिला तथा १२६ पुरूष सहित १६५ नेपाली स्वदेश फर्किएका छन् । योसँगै ओमानबाट फर्किनेको संख्या ८३० पुगेको छ ।
साथै, गलत व्यक्तिहको फन्दामा परी पर्यटक भिसामा गैरकानुनी बाटो हुँदै वैदेशिक रोजगारीका लागि ओमान पुगिकी घरेलु कामदारको रूपमा काम गर्ने क्रममा अलपत्र परेको अवस्थामा रहेका महिलाद्वय ताप्लेजुङकी अरुणा मादेन र स्याङ्जाकी गजकुमारी श्रेष्ठलाई समेत कूटनीतिक पहलमा आवश्यक प्रक्रिया पूरा गरी शनिबार कै उद्धार उडानमार्फत नेपाल फर्काइएको ओमानका लागि नेपाली राजदूत शर्मिला पराजुली ढकालले जानकारी दिइन् ।
त्यसैगरी यस उडानमा विभिन्न कम्पनीमा कार्यरत एवं घरेलु कामदारको रूपमा कार्यरत करिब ६० जना जति नेपालीहरूलाई आवश्यक समन्वय तथा पहल गरी घर फिर्ता पठाइएको दूताबासले जनाएको छ । शनिबार कै उडानबाट नेपाल जानेमध्ये बाह्रदशी गाउँपालिका–६, झापाकी १ महिला नेत्रकुमारी राउतलाई स्वदेश पठाइएको छ ।
राउत वैदेशिक रोजगारीको सिलसिलामा घरेलु कामदारको रूपमा केही वर्ष अघि ओमान आएकी र ०७० सालदेखि सम्पर्कविहीन भएको भन्दै उनको छोरा नवराज राउतले आङ्खनी आमालाई नेपाल फर्काउन परराष्ट्र मन्त्रालयमार्फत निवेदन दिएअनुसार तथ्य प्रमाण एवं कूटनीतिक माध्यमबाट उनलाई सम्पर्कमा ल्याइएको र निजको स्वास्थ्य अवस्था पनि नाजुक रहेको हुँदा निजलाई घरसम्मै लैजाने व्यवस्थाका लागि दूताबासले सहजीकरण गरेको जनाएको छ ।
साथै मानव तस्करको फन्दामा परी पर्यटक भिसामा गैरकानुनी बाटो हुँदै वैदेशिक रोजगारीका लागि ओमानमा आई घरेलु कामदारको रूपमा काम गर्ने क्रममा अलपत्र परेको अवस्थामा रहेका महिलाद्वय ताप्लेजुङकी अरुणा मादेन र स्याङ्जाकी गजकुमारी श्रेष्ठलाई समेत कूटनीतिक पहलमा आवश्यक प्रक्रिया पूरा गरी शनिबार कै उद्धार उडानमार्फत नेपाल फर्काइएको छ ।
त्यसैगरी यस उडानमा विभिन्न कम्पनीमा कार्यरत एवं घरेलु कामदारको रूपमा कार्यरत करिब ६० जना जति नेपालीहरूलाई आवश्यक समन्वय तथा पहल गरी घर फिर्ता गर्नसमेत दूताबास सफल भएको जनाएको छ । बिदाइका लागि विमानस्थल पुगेकी राजदूत पराजुलीले सम्पूर्ण नेपालीहरूलाई स्वदेश फिर्तीका लागि सफल यात्रा तथा सुखमय जीवनका लागि शुभकामना व्यक्त गरेकी थिइन् ।
यात्रामा सहभागी सम्पूर्ण नेपालीहरूले दूताबासको सक्रियतामा चार्टर उडानमार्फत सुलभ दरमा स्वदेश फर्कने अवसर प्राप्त भएकामा राजदूत तथा समस्त दूताबासको कार्यको प्रशंसा गर्दै दूताबास परिवारलाई धन्यवाद दिएका थिए ।
-1745656903.jpeg)