दोहा– साउदी अरबमा अलपत्र नेपाली श्रमिकहरूको सहज स्वदेश फिर्ती र व्यवस्थापन गर्न एनआरएनएले माग गरेको छ । पछिल्लो अवस्थामा विभिन्न कारणले नेपाल फर्कन नपाएका हजारौँ नेपालीहरू साउदीमा अलपत्र परेपछि उनीहरूको सहज स्वदेश फिर्ती र व्यवस्थापन गर्न एनआरएनए साउदीले माग गरेको हो ।
स्वदेश फर्कने यात्रुहरूले सहज रूपमा हवाइ टिकट उपलब्ध हुन नसक्दा रोजगारी गुमाएका नेपाली श्रमिकहरू थप पीडामा रहेको भन्दै तत्काल स्वदेश फिर्तीका लागि सहजीकरण गर्न आग्रह गरिएको एनआरएनए मध्यपूर्व सहसंयोजक राजेन्द्र अर्यालले जानकारी दिए ।
उनका अनुसार साउदीमा नेपाली श्रमिक अलपत्र पर्नुको मुख्य कारण भनेकै दैनिक उडान हुन् नसक्नु रहेको जनाउ“दै दैनिक उडान भएमा यो सबै समस्या समाधान हुने बताए । साउदी अरबका लागि नेपाली राजदूत महेन्द्रप्रसाद सिंह राजपुतलाई बुझाएको ज्ञापन पत्रमा अधिकांश नेपाली श्रमिकहरू अति न्यून तलब सुविधामा खाडी मुलकको ५० डिग्रीसेन्टिग्रेडभन्दा बढी तापक्रममा श्रम गरिरहेका छन् ।
आङ्खनो रोजगारी गुमाएको प्रतिकूल अवस्थामा स्वयं जिम्मेवार हुने गरी तोकिएको चर्को हवाइ भाडा दर र होटेल क्वारेन्टाइनको शुल्कसमेत श्रमिकको थाप्लोमा थोपरिनु नेपाल सरकारले नेपाली श्रमिकहरू उपर अन्याय गरेको महसुस भएकोलगायत समस्या समावेश गरिएको छ ।
साउदीको विभिन्न ठाउँहरूमा कठिनाइ र समस्यामा रहेका नेपाली श्रमिकहरूलाई यथाशिघ्र स्वदेश फर्काउन सहज व्यवस्थापनसहित पर्याप्त हवाइ उडानको ब्यवस्था मिलाउन सम्बन्धित निकाय र सरोकारवालहरूलाई ध्यानकार्षणका लागि नेपाली दूताबास समक्ष अनुरोध गरिएको गैरआवासीय नेपाली संघ राष्ट्रिय समन्वय परिषद् साउदी अरबले जनाएको छ ।
ज्ञापनपत्रमा गैरआवासीय नेपाली संघ सचिवालय, नेपाल सरकार प्रधानमन्त्रीको कार्यालय, श्रम तथा परराष्ट्र मन्त्रालय र वैदेशिक रोजगार विभागलाई बोधार्थको रूपमा राखिएको छ । साउदीको रियादस्थित साउदी म्यानपावर सेर्भिसेज कम्पनी (समास्को) मा केही दिनअघि स्वदेश नफर्काएको भन्दै नेपाली श्रमिकहरूले नेपाल सरकार तथा नेपाली दूताबासविरुद्ध नाराबाजी गरेका थिए ।
-1745656903.jpeg)