दोहा– नेपाली दूताबास तथा नियोग प्रमुखको आवासीय भवन निर्माणार्थ नेपाल सरकार र ओमान सरकारबीच जग्गा प्राप्ति सम्बन्धी एक सम्झौतामा हस्ताक्षर भएको छ ।
ओमानको परराष्ट्र मन्त्रालयमा एक कार्यक्रम आयोजना गरी उक्त सम्झौतामा हस्ताक्षर भएको हो । नेपाली दूताबास भएको देशहरूमा आङ्खनै भवन बनाउने नेपाल सरकारको नीतिबमोजिम मस्कटमा दूताबासको आफ्नै भवन बनाउनका लागि जग्गा प्राप्तिको पहिलो काम सम्पन्न भएको त्यहा“स्थित दूताबासले जनाएको छ ।
ओमानको तर्फबाट परराष्ट्र मन्त्रालयका सचिव (प्रशासन तथा लेखा) महामहिम मोहम्मद बिन नासिर विन मोहम्मद अल वहेबि र नेपाल सरकारको तर्फबाट ओमानका लागि नेपाली राजदूत शर्मिला पराजुली ढकालले उक्त सम्झौतामा हस्ताक्षर गरेकी हुन् ।
उक्त सम्झौता अनुरूप ओमानको कूटनीतिक हाताभित्र ४ हजार १ सय वर्ग मिटर क्षेत्रफलको जग्गा २० वर्षलाई लिजमा लिइएको छ भने उक्त अवधिपश्चात् आपसी सहमतिमा सम्झौताको अवधि बढाइनेछ ।
हस्ताक्षर कार्यक्रमपश्चात् भएको भेटमा महामहिम मोहम्मद विन नासिरले नेपाल लगायत सम्पूर्ण मुलुकहरूसँग ओमानले प्रगाढ सम्बन्ध राख्ने परराष्ट्र नीति रहेको बताउँदै नेपालसँगको सम्बन्धको विशेष महत्व रहेको बताए ।
महामहिमले जग्गा प्राप्ति सम्बन्धी सम्झौतामा नेपालसँग हस्ताक्षर भएकोमा महामहिम राजदूतलाई बधाई दिँदै आगामी दिनमा समेत यस्तो सहकार्यका लागि ओमान सरकारको तर्फबाट प्रतिबद्धता जनाए ।
भेटमा महामहिमहरूले नेपाल–ओमानबीच द्विपक्षीय व्यपार, लगानी, पर्यटनलगायत क्षेत्रमा समेत आगामी दिनमा सहकार्य बढाउँदै लानु पर्ने धारणा व्यक्त गरेको दूताबासले जनाएको छ ।
खाडी क्षेत्रमा ओमानको आङ्खनै छुट्टै पहिचान र अस्तित्व रहँदै आएको छ । क्षेत्रीय शान्ति र विकासमा ओमानको भूमिकाको विश्वले सराहना गर्दै आइरहेको छ । समग्र खाडी क्षेत्रमै ओमानको उपस्थिति एक शान्तिप्रेमी राष्ट्रको रूपमा रहेको छ ।
ओमानको खाडी र हर्मुज स्ट्रेटजस्तो रणनीतिक तथा व्यपारिक मार्गसँग प्रत्यक्ष सरोकार राख्ने ओमानको भविष्यगत रणनीति र दीर्घकालीन योजनाले पनि यस राज्यसँगको दीर्घकालिन् सुमधुर सम्बन्ध स्थापित गर्नु नेपालका लागि सामरिक तथा रणनीतिक हिसाबले पनि महत्वपूर्ण हुने देखिन्छ ।
दूताबासको आङ्खनै भवन हुनुले पनि ओमानलगायत समग्र खाडी क्षेत्रमा नेपालको दीर्घकालीन सम्बन्ध राख्न चाहेको सकारात्मक सन्देश जाने देखिन्छ । यसले खाडी क्षेत्रमा रहेका करीब १५ लाख हाम्रा नेपालीहरूको सुरक्षा तथा स्थायित्वमा योगदान दिनेछ ।
यो सम्झौतासँगै समग्र खाडी क्षेत्रमा आफ्नै भवन हुने पहिलो नेपाली दूताबास हुने दिशामा नेपाली दूताबास ओमान अघि बढ्नेछ । त्यसैगरी आफ्नै भवन हुँदा दूताबासको बर्सेनि घर भाडामा हुने खर्चमा व्यापक कटौती भई दिर्घकालिन रूपमा मुलुकलाई आर्थिक रूपमा समेत बोझ कम हुने छ ।
विदेशी राजधानीमा नेपाली दूताबासको आफ्नै मौलिक एवं कलात्मक भवन हुनु देशकै लागि एक गर्वको विषय त निश्चय हो नै साथसाथै उक्त भवनको निर्माणपश्चात् ओमानमा बस्ने नेपालीहरूलाई पनि दैनिक सेवा लिन थप सहज हुने दूताबासले जनाएको छ ।
उक्त भवनबाट नेपाली उत्पादनहरूको प्रदर्शनीलाई स्थायी तथा बृहत बनाई व्यपार तथा पर्यटन प्रबद्र्धनमा समेत थप योगदान पु¥याउने दूताबासको योजना रहेको छ ।
-1745656903.jpeg)