भीष्मराजको ‘वासुदा’ कृति सार्वजनिक

साहित्य

Home
साहित्य
भीष्मराजको ‘वासुदा’ कृति सार्वजनिक

भीष्मराजको ‘वासुदा’ कृति सार्वजनिक

प्रभाव संवाददाता सोमबार, फागुन ९, २०७८

basuda

काठमाडौं –युवा साहित्यकार भीष्मराज फुलाराको चौँथो कृति ‘वासुदा’ उपन्यास सार्वजनिक भएको छ । साहित्यकार नवराज लम्साल, समालोचक ज्ञाननिष्ठ ज्ञवाली, लेखक फुलारा र उहाँका दाजु वासुदेव फुलाराले आइतबार राजधानीमा आयोजित कार्यक्रममा संयुक्त रूपमा कृति लोकार्पण गरेका छन् । समालोचक ज्ञवालीको नौ पृष्ठ लामो भूमिका रहेको कृतिमा छ । उपन्यासमा सङ्घर्ष, प्रेम र उद्देश्यको त्रिवेणी रहेको समीक्षा गर्दै ज्ञवालीले बताएका छन् । ज्ञवालीले भूमिका लेख्नुभएको यो ७५औँ पुस्तक भएको जानकारी पनि कार्यक्रममा गराइएको थियो । लम्सालले उपन्यासमा लेखकले आफ्ना दाजु भाउजुको प्रेमकथालाई विषयवस्तुका रूपमा प्रस्तुत गरेर नयाँ प्रयोग गर्नुभएको सुनाएका छन् । लेखकले आफू साहित्यमा लागेर अपार आनन्द पाएको बताउँदै लेखनमै आनन्दानुभूति हुन थालेको अनुभव सुनाए । लेखकका दाजु वासुदेव फुलाराले आफ्नो संघर्षको कथा उपन्यासमा आए पनि यो धेरै युवाको कथा भएको चर्चा गरेका छन् । कार्यक्रमको आयोजना फुलारा लिटरेचर फाउन्डेसनले गरेको हो । उपन्यास २४३ पृष्ठको छ । पुस्तकको प्रकाशन फुलारा लिटरेचर फाउण्डेशनले गरेको हो । उपन्यासको मूल्य साधारण गाता रु ३५५ र बाक्लो गाता रु ५५० छ । पुस्तकलाई थ्री स्टार प्रिन्टिङ प्रेसले मुद्रण गरेको हो । लेखकका यसअघि ‘नफापेको मान्छे’ र ‘टुहुरो कुण्डली’ उपन्यास एवं ‘नेपाली भाषा र साहित्यको इतिहास त्यहाँदेखि यहाँसम्म’ साहित्यिक इतिहासको कृति प्रकाशन भइसकेको छ ।

प्रकाशित मिति: सोमबार, फागुन ९, २०७८ ११:४२

प्रतिक्रिया दिनुहोस्