दोहा– कतारमा कामदारले कम्पनी परिवर्तन गर्दा नो अब्जेक्सन सर्टिफिकेट (एनओसी) आवश्यक नपर्ने व्यवस्था गरेको छ । कतार सरकारले श्रम कानुनमा संशोधन गरी रोजगारदाता कम्पनी परिवर्तन गर्दा कामदारले नो अब्जेक्सन सर्टिफिकेट (एनओसी) आवश्यक नपर्ने व्यवस्था गरेको हो ।
नयाँ व्यवस्थाअनुसार कम्पनी परिवर्तन गर्दा त्यसको जानकारी त्यहाँको सरकारलाई हुनु पर्नेछ । दुई वर्षभन्दा बढी अवधि कम्पनीमा काम गरिरहेको भए दुई महिनाको अग्रिम सूचना दिनुपर्ने कतारस्थित नेपाली दूताबासले जनाएको छ ।
दूताबासका अनुसार दुई वर्षभन्दा कम अवधि काम गरिरहेको भए एक महिनाको सूचना दिनुपर्ने र रोजगारदातासँग भएको करारको म्याद सकिने मितिभन्दा ३० दिनअघि सूचना दिनुपर्ने व्यवस्था गरिएको जनाएको छ ।
यसैगरी, करार पत्रमा करारको म्याद सकिने मिति उल्लेख नभएमा पाँच वर्षपछि मात्र सूचना दिन सकिने र पाँच वर्षपछि सूचना दिँदा ६० दिनको सूचना दिनुपर्ने व्यवस्था गरिएको जनाएको छ ।
सूचनास“गै छाड्न चाहेको रोजगारदातासँगको करार पत्र, सो नभए रोजगारी दिने पत्र (इम्पोलोइमेन्ट अफर), जान चाहेको रोजगारदाताले अरबीमा लेखेको जागीर दिन्छु भन्ने पत्र (जब अफर) र रोजगारदाता परिवर्तन गर्न भरेको फारामसमेत संलग्न गर्नुपर्ने दूताबासले जनाएको छ ।
रोजगारदाता परिवर्तनको सूचना दिँदा कतारको श्रम मन्त्रालयको सूचना प्रणाली लिंकमा गएर दिनुपर्ने व्यवस्था छ । कतारको नयाँ आइडी बनाउन कतारको आन्तरिक मन्त्रालयबाट प्रमाणीकरण हुनु पर्ने जनाएको छ । त्यसपछि नया“ रोजगारदाता कम्पनीले कतारी आइडी र हेल्थ कार्ड बनाइदिने दूताबासले जनाएको छ ।
-1752335779.jpg)
