काठमाडौं– वैदेशिक रोजगार कार्यालय, ताहाचलले व्यक्तिगततर्फ ६७ जनाले वैदेशिक रोजगारीमा जानका लागि नयाँ श्रम स्विकृति लिएको जनाएको छ ।
बिहीबार विज्ञप्ति जारी गर्दै २४ भदौमा निषेधाज्ञा हटेसँगै २५ भदौयता एक सातामा व्यक्तिगततर्फ ६५ जना पुरुष र २ जना महिला गरी ६७ जनाले नयाँ श्रम स्विकृति लिएको ताहाचल कार्यालयले जनाएको हो ।
ताहाचल कार्यालयका अनुसार माल्दिभ्सका लागि सबैभन्दा बढी १७ जनाले व्यक्तिगततर्फ नयाँ श्रम स्विकृति लिएका छन् । माल्दिभ्सका लागि नयाँ श्रम स्विकृति लिने १७ जना सबै पुरुष रहेको कार्यालयले जनाएको छ । माल्दिभ्सपछि पोर्चुगलका लागि १३ जना पुरुषले श्रम स्विृकृति लिएको कार्यालयले जनाएको छ ।
माल्दिभ्सपछि पोल्यान्डका लागि ७ जना पुरुष र १ जना महिला, क्यानडाका लागि ६ जना पुरुष र १ जना महिला, रोमानियका लागि ३ जना पुरुष र १ जना महिला, माल्टाका लागि २ जना पुरुष र १ जना महिला, नेदरल्यान्डका लागि ३ जना पुरुषले श्रम स्विकृति प्रदान गरेको कार्यालयले जनाएको छ ।
यस्तै, चेक रिपब्लिकाका लागि २ जना पुरुषले, फिनल्यान्डका लागि २ जना पुरुषले, अष्ट्रेलियाका लागि १ जना पुरुषले, बेल्जियमका लागि १ जना पुरुषले, आयरल्यान्डका लागि १ जना पुरुषले, कोरियाका लागि १ जना पुरुषले, स्लोभाकियाका लागि १ जना पुरुषले र जाम्बिायाका लागि १ जना पुरुषले श्रम स्विकृति लिएको कार्यालयले जनाएको छ ।
यसैगरी १ भदौदेखि ३१ सम्म पुनः श्रम स्विकृति (रि–इन्ट्रि) तर्फ ७ सय ९९ जनाले पुनः श्रम स्विकृति लिएको कार्यालयले जनाएको छ । पुनः श्रम स्विकृतितर्फ सबैभन्दा बढी युएइका लागि ५ सय ५२ जनाले श्रम स्विकृति लिएका छन् । जसमध्ये ५ सय २ पुरुष र ५० जना महिला रहेका छन् ।
पुनः श्रम स्विकृति लिनेतर्फ युएइपछि कतारका लागि ९७ पुरुष र २ जना महिलाले श्रम स्विकृति लिएका छन् । कतारपछि बहराइनका लागि ३६ पुरुष र ४ महिलाले, ओमानका लागि १६ जना पुरुषले, साइप्रसका लागि १४ महिला र १ पुरुषले श्रम स्विकृति लिएको कार्यालयले जनाएको छ ।
साइप्रसपछि मलेसियाका लागि १३ पुरुष र १ जना महिलाले, साउदी अरबका लागि १३ जना पुरुषले, कुवेतका लागि १० जना पुरुष र २ जना महिलाले, माल्दिभ्सका लागि ८ जना पुरुष र २ जना महिलाले, मकाउका लागि ६ जना पुरुषले, ब्रुनाईका लागि ५ जना पुरुषले र जापानका लागि ४ जना पुरुष र १ जना महिलाले श्रम स्विकृति प्रदान गरेको कार्यालयले जनाएको छ ।
कम पुनः श्रम स्विकृति लिनेतर्फ पोल्यान्डका लागि २ जना पुरुष, काइमनका लागि २ जना पुरुष, बर्मुडाका लागि १ जना पुरुष, गाबोनका लागि १ जना पुरुष, माल्टाका लागि १ जना पुरुष, न्युजिल्यान्डका लागि १ जना पुरुष, सोमालियाका लागि १ जना पुरुष, थाइल्यान्डका लागि १ जना पुरुष, रोमानिका लागि १ जना पुरुष र रसियाका लागि १ जना पुरुषले श्रम स्विकृति प्रदान गरेको कार्यालयले जनाएको छ ।
पुनः श्रम स्विकृति प्रदान गर्नेतर्फ ७ सय २३ पुरुष र ७६ जना रहेका छन् । १८ असारमबाट पुनः श्रम स्विकृति प्रदान गर्न थालिए पनि नया“ श्रम स्विकृति भने २५ भदौदेखिमा सुचारु गरिएको थियो । कार्यालयनका अनुसार वैद्यानिकीकरणतर्फ ७३ जना पुरुष र ९ जना महिला गरी ८२ जनाले श्रम स्विकृति प्रदान गरेका छन् ।
-1745656903.jpeg)