काठमाडौं - वैदेशिक रोजगारीको लागि मलेसिया पठाईदिन्छु भनी रकम ठगी गर्ने व्यक्ति प्रहरीले पक्राउ गरेकाे छ । मलेसिया पुगेपछि राम्रो कम्पनीमा काम लगाईदिन्छु भनी विश्वास दिलाई प्रलोभनमा पारी निज पिडितहरूबाट पटकपटक रकम लिएर ठगी गरेको हिरालाल महतो नुनियालाई प्रहरीले पक्राउ गरेकाे हाे ।
काठमाडौँ उपत्यका अपराध अनुसन्धान कार्यालयका अनुसार पर्सा जिल्लाको बहुदरमाई गा.पा. वडा नं. ५ भौराटार घर भई हाल का.जि. किर्तिपुर न.पा. वडा नं. १३ बस्ने हिरालाल महतो नुनियाले जय बहादुर साह तेली समेत ६ जनालाई वैदेशिक रोजगारीको लागि मलेसिया पठाईदिन्छु भनि ठगी गरेका छन् ।
मलेसिया पुगेपछि राम्रो कम्पनीमा काम लगाईदिन्छु भनी विश्वास दिलाई प्रलोभनमा पारी निज पिडितहरूबाट पटकपटक गरी जम्मा रु. ३,५०,०००/- ( अक्षेरुपी तीन लाख पचास हजार रुपैयाँ मात्र ) रकम लिएर सम्पर्क विहीन भएकाे पीडितले बताएका छन् ।
वैदेशिक रोजगार विभागबाट यस कार्यालयमा पक्राउ गरी उपस्थित गराइदिन हुन भनी पत्राचार गरेको आधारमा अपराध अनुसन्धानबाट खटिएको विशेष प्रहरी टोलीले निज हिरालाल महतो नुनियाको खोजतलास गर्ने क्रममा मिति २०८०।०१।०४ गते दिउँसो १४:०० बजेको समयमा का.जि. किर्तिपुर न.पा. चोभारबाट पक्राउ गरेकाे बताएका छन् ।
थप अनुसन्धान तथा कारवाहीको लागि वैदेशिक रोजगार विभाग बुद्धनगर, काठमाडौँ पठाएको प्रहरीले जनाएकाे छ ।
प्रकाशित मिति: बुधबार, वैशाख ६, २०८० १३:२८
-1745656903.jpeg)