पश्चिम नवलपरासी - प्रतापपुर गाउँपालिकामा एक दम्पतीको विभत्स हत्या भएको छ। सोमबार राति टाउकोमा धारिलो हतियार प्रयोग गरी दम्पतीको हत्या भएको जिल्ला प्रहरी कार्यालय नवलपरासी पश्चिमले जनाएकाे हाे ।
प्रतापपुर गाउँपालिका वडा नं ८ मजुवा मर्चहवा बस्ने ५३ वर्षीय साधु भनेर चिनिने तीलकराज भेडिहार र उनकी ५० वर्षीया श्रीमती निर्मला भेडिहारको विभत्स हत्या भएको जिल्ला प्रहरीले जनाएकाे हाे ।
प्रतापपुर गाउँपालिकाकै बैरियामा रहेको घरमा छोराछोरीहरू बस्दै आए पनि उनीहरू भने गाईवस्तुको रेखदेख गर्न भन्दै गोठमा सुत्न गएका थिए ।
गाईवस्तुको रेखदेख गर्न भन्दै गोठमा उनीहरूको हत्या भएको प्रहरीले जनाएको छ । हत्या भएपछि उनीहरूको शव आँगन देखि १०/१५ मिटर सम्म फालिएको थियो ।
खेतीपाती गर्दै आएका दम्पतीको कसले हत्या गर्यो भन्ने विषयमा अनुसन्धान भइरहेको नवलपरासी प्रहरीले जनाएको छ।
