२५ व्यवसायीको कब्जाविरुद्ध मैदानमा व्यवसायी, फोटोमा जुत्ता हानेर प्रदर्शन

वैदेशिक रोजगार

Home
वैदेशिक रोजगार
२५ व्यवसायीको कब्जाविरुद्ध मैदानमा व्यवसायी, फोटोमा जुत्ता हानेर प्रदर्शन

मलेसिया रोजगारीमा ‘सिण्डिकेट’ प्रकरण २५ व्यवसायीको कब्जाविरुद्ध मैदानमा व्यवसायी, फोटोमा जुत्ता हानेर प्रदर्शन

काठमाडौं– मलेसिया रोजगारीमा एकाधिकार (सिण्डिकेट) भित्र्याउन सक्रिय २५ व्यवसायीको तस्बिरमा जुत्ता हानेर विरोध गर्ने क्रमले मंगलबार पनि निरन्तरता पाएको छ।

एकाधिकारविरुद्ध नेपाल वैदेशिक रोजगार व्यवसायी संघलाई दबाब दिन भेला भएका व्यवसायीहरुले आफ्नै जुत्ता खोलेर २५ व्यवासायीको तस्बिरमा हानेका हुन्। यसअघि गत शुक्रबार पनि व्यवसायीहरुले यसैगरी जुत्ता हानेर विरोध जनाएका थिए।

भेला हुने व्यवसायीहरुले कुनै पनि व्यवसायीलाई मलेसियाको श्रमिक भर्ना प्रक्रियाबाट बाहिर राखिए २५ व्यवसायीहरुलाई नछोड्ने चेतावनी दिँदै आएका छन्।

गत अगस्ट २१ मा मलेसियाको फरेन वर्कर सेन्ट्रलाइज्ड म्यानेजमेण्ड सिस्टम (एफडब्ल्युसिएमएस)मा नेपालबाट २५ व्यवसायीमात्र सूचीकृत भएपछि उक्त प्रणालीमा नपरेका व्यवसायीहरु आक्रोशित छन्। त्यसयता व्यवसायीको एउटा समूह संघको कार्यालयमा बिहानदेखि साँझसम्म उपस्थित हुने गरेको छ।

हेर्नुहोस् भिडियो:

‘हामी बिहान ९ः०० बजेदेखि साँझ ५ः०० बजेसम्म संघमै बस्छौं। एकाधिकारविरुद्ध संघलाई दबाब दिन यसो गरिएको हो। सिण्डिकेटको अन्त्य नहुँदासम्म हामी यहाँ आइरहन्छौं,’ एक व्यवसायीले भने।

एकाधिकार ल्याउन खोज्नेहरु तत्काल यसबाट पछि नहटे संघर्षका कार्यक्रमलाई कडा बनाउँदै लग्ने उनीहरुको अडान छ।

२५ व्यवसायी, जसको फोटोमा हानियो जुत्ता