काठमाडौं- सिद्धार्थ बैंक लिमिटेडको चौबिसौं वार्षिक साधारण सभा सम्पन्न भएकाे छ । आइतबार काठमाडौंकाे भद्रकालीस्थित आर्मी अफिसर्स क्लबमा बैंकका सञ्चालक समितिका अध्यक्ष राहुल अग्रवालको अध्यक्षतामा सिद्धार्थ बैंकको चौबिसौं वार्षिक साधारण सभा सम्पन्न भएको हाे ।
बैंकले नगद लाभांश वितरण गर्ने प्रस्ताव पारित गरेको छ । बैंकको हाल कायम रहेको चुक्ता पूँजी चौध अर्ब आठ करोड उनानसय लाख असी हजार एक सय नब्बे रुपैँया मात्र (रु. १४,०८,९९,८०,१९०/–) मा ५ प्रतिशत बराबरको सत्तरी करोड चौवालीस लाख उनान्सय हजार दस रुपैंया मात्र (रु ७०,४४,९९,०१०/– ) बोनस शेयर तथा ५.५३ प्रतिशत बराबरको सतहत्तर करोड एकान्नब्बे लाख पचहत्तर हजार नौ सय पाँच रुपैंया मात्र ( रु. ७७,९१,७५,९०५/– ) नगद लाभांश (कर प्रयोजनका लागि समेत) वितरण गर्ने प्रस्ताव पारित गरेको छ ।
आर्थिक वर्ष २०८१/८२ को सञ्चालक समितिको वार्षिक प्रतिवेदन पारित गर्ने, लेखापरीक्षकको प्रतिवेदन सहित २०८२ आषाढ मसान्तको वित्तीय अवस्थाको विवरण, नाफा नोक्सान विवरण, सोही अवधीको नगद प्रवाह विवरण, स्वपूँजी (इक्विटी) मा भएको परिवर्तनको विवरण पारित गर्ने एवं बाह्य लेखापरीक्षक नियुक्त गर्ने र निजको पारिश्रमिक तोक्ने लगायतका प्रस्तावहरु पारित गरेको छ ।
