टोकियो - जापानी अनुसन्धानकर्ताहरूले सजिलै पानी र माटाेमा घुल्न सक्ने प्लास्टिककाे आविष्कार गर्न सफल भएका छन् । जापानी अनुसन्धानकर्ताहरूले तेज गतिमा विघटन गराउने जैविक प्रक्रिया (bio-based innovation)काे प्लास्टिकलाई विकास गरेका हुन् ।
प्लास्टिक प्रदूषणबाट ग्रस्त विश्वका लागि जापानका वैज्ञानिकहरूले एउटा उल्लेखनीय उपलब्धि हासिल गरेका छन्।जापानको रिकेन(RIKEN) विश्वविद्यालयमा रहेकाे अनुसन्धान केन्द्रका वैज्ञानिकहरूले वातावरणमै पुरै विघटन हुने नयाँ प्रकारको जैविक प्लास्टिक विकास गरेका छन्, जसले प्लास्टिक प्रदूषण नियन्त्रणमा ठूलो मोड ल्याउने सम्भावना देखाएकाे छ । यो खोजले भविष्यमा प्लास्टिकसँगको हाम्रो सम्बन्धलाई पूर्ण रूपमा परिवर्तन गर्न सक्ने अनुमान गरिएको छ।
साधारणतया प्लास्टिक माटोमा सैकडौँ वर्षसम्म नबिग्रने समस्याले पृथ्वीमा ठूलो वातावरणीय संकट सिर्जना गर्दै आएको छ।सामान्य प्लास्टिक माटो वा समुद्रमा सयकराेडौँ वर्षसम्म बिग्रँदैन जसका कारण पृथ्वी प्रदूषण संकटमा फस्दै आएको छ। तर यस नयाँ प्लास्टिकले भने समुद्री पानीमा केही घण्टाभित्रै गल्न सुरु गर्ने र माटोमा जम्मा १० दिनभित्रै पूर्ण रूपमा विघटन हुने जनाइएकाे छ ।
यो प्लास्टिक खाद्य-ग्रेड, रासायनिक रूपमा सुरक्षित सामग्रीबाट बनेको वैज्ञानिकहरुले बताएका छन् र विघटन भएपछि वातावरणलाई हानि नगर्ने बताइएकाे छ।याे प्लास्टिकले उल्टै माटोमा पोषक तत्व बढाउने र कार्बन मात्रा सुधार गर्ने पनि भनिएको छ, जसले माटोको उर्वरता पुनर्स्थापना गर्न सघाउँछ।
अनुसन्धानकर्ताहरूका अनुसार, यो नवप्रविधि लागू भएमा समुद्रमा रहेको प्लास्टिक फोहोरमा कमी आउने,भूमिमा लामो समयसम्म थाकिने प्लास्टिक प्रदूषण नियन्त्रणमा जाने,र दिगो फोहोर व्यवस्थापन प्रणाली बलियो हुने सम्भावना छ। विशेषज्ञहरूले यसलाई भविष्यको वातावरणीय संकट समाधानतर्फको महत्वपूर्ण कदमको रूपमा हेरिरहेका छन्।
नयाँ प्रविधिले भने प्लास्टिकलाई प्राकृतिक जीवाणु (microbes) को सहायताले छोटो समयमै विघटन गर्न सकिन्छ भन्ने प्रमाणित गरेको छ। यदि यो प्रविधि औद्योगिक रूपमा लागू गरियो भने,प्लास्टिक फोहोरको मात्रा ठूलो दरमा घट्ने,समुद्र तथा नदीमा भइरहेको सूक्ष्म प्लास्टिक प्रदूषण कम हुने,र वातावरणीय क्षतिहरू दीर्घकालीन रूपमा नियन्त्रणमा आउने वैज्ञानिकहरूको विश्वास छ ।
विशेषज्ञहरू भन्छन्, “यो केवल प्रविधि मात्र होइन, भविष्यको ग्रहलाई जोगाउने कदम हो।” यस खोजले अहिले विश्वभरको वैज्ञानिक समुदाय, वातावरणविद् तथा टेक उद्योगको ध्यान तानिरहेको छ।
