एजेन्सी - सबैभन्दा लामो औसत कार्यघण्टा अनुमति दिने विवादास्पद विधेयक ग्रीसमा पारित भएकाे छ । ग्रीसको संसदले १३ घण्टे कार्यदिवसलाई अनुमति दिने विवादास्पद विधेयक पारित गरेको हाे ।
यो निर्णयका कारण जीवनयापन खर्चको संकट झेलिरहेका कामदारहरू सडकमा विरोधमा उत्रिएका छन्।गत वर्ष ग्रीस युरोपेली संघ (ईयू) का सदस्य राष्ट्रहरूबीच सबैभन्दा लामो औसत कार्यघण्टा (३९.८ घण्टा प्रति हप्ता) रहेको देशको रूपमा दर्ता भएको थियो।
तर त्यसै समयमा, देशको न्यूनतम तलब भने ईयूका देशहरू मध्ये तलको स्तरमा रहेको थियो । प्रति महिना ९६८ युरो (८३९ पाउन्ड वा ११२७ अमेरिकी डलर) मात्र काम गर्ने प्रावधान थियाे ।
नयाँ कानुन अनुसार वार्षिक ओभरटाइम १५० घण्टासम्म सीमित गरिनेछ भने नियमित ४० घण्टाको साप्ताहिक कार्य समय यथावत् रहनेछ। सरकारले भने यो नयाँ प्रावधान स्वेच्छिक हुने, केवल निजी क्षेत्रका कामदारहरूमा लागू हुने र वर्षमा बढीमा ३७ दिनसम्म मात्र प्रयोग गर्न सकिने बताएको छ।
