काठमाडौं - आधुनिक पुरुषहरुको रोजाइमा पर्न सफल नेपाली ब्राण्ड जुट फेशनले नयाँ ई–कमर्स वेबसाइट सुरू गरेकाे छ । नेपाली ब्राण्ड जुट फेशनले नयाँ ई–कमर्स वेबसाइट हिन्दु नेपालीहरुको महान चाड विजया दशमीको अवसर पारेर साेमबार सार्वजनिक गरेको हाे ।
नयाँ अनलाइन स्टोरले देशभरका ग्राहकवर्गहरुलाई सहज र आकर्षक किनमेल अनुभव दिने र घरआँगनमा नै डेलिभरी दिने उद्देश्य राखेको छ, जसले जूट फेशनको सिर्जनशीलता र गुणस्तरीय फेसन प्रतिको प्रतिबद्धतालाई झल्काउँछ । २५ देखि ४५ वर्ष उमेर समूहका फेसन प्रेमी पुरुषहरुका लागि लक्षित गरी यो वेबसाइट डिजाइन गरिएको हो ।
आधुनिक इन्टरफेस र सजिलै नेभिगेट गर्न सकिने क्याटोगोरीहरूको साथ, ग्राहकहरूले सहजै जुट फेसनको शर्ट, ट्राउजर, पाइन्ट, ज्याकेट र अन्य सामानहरू अर्डर गर्न सक्ने कम्पनिले जनाएकाे छ ।
कम्पनीका संस्थापक तथा सिइओ, श्याम रत्न मालीले भने “फेशन स्टाइल भनेको हामीले के लगाउँछौं भन्ने मात्र होइन, यो त तपाईँ हामीले बोक्ने मूल्यमान्यता र सोचसँग पनि जोडिएको हुन्छ । जूट फेशनको यात्रामा हामीले शुरुदेखि नै फेशनलाई व्यक्तित्व र आत्मविश्वाससँग जोड्ने प्रयास गरेका छौं र गरिरहेनेछौं ।”
नयाँ वेबसाइतको शुरुवात तथा चाडपर्वको अवसरमा, ग्राहकवर्गले ३५५ सम्मको छुटका साथै पहिलो अर्डरमा थप ५५ छुट पनि प्राप्त गर्ने जनाइएकाे छ ।
