काठमाडौं- इन ड्राइभरले उत्कृष्ट राइडरलाई उपहार प्रदान गरेकाे छ । यात्रुहरुलाई छिटो, छरितो र भरपर्दो सेवा प्रदान गर्ने उद्देश्यले शहरी क्षेत्रमा सञ्चालनमा आएको सार्वजनिक यातायात सेवा ‘इन ड्राइभर’ले आफ्ना उत्कृष्ट राइडरहरूलाई सम्मान गरेको हाे ।
एक कार्यक्रममा कम्पनीले उत्कृष्ट सेवा प्रदान गर्ने राइडरहरूलाई प्लाटिनम ड्राइभर को उपाधिसहित मोबाइल फोन, मोटरसाइकल र गाडी उपहार प्रदान गरेको छ ।
कम्पनीका अनुसार तीन जना राइडरहरूले मोबाइल फोन प्राप्त गरेका छन् । एक जनाले मोटरसाइकल र अर्को एक जनाले गाडी प्राप्त गरेका छन् । जित थापाले मोटरसाइकल जितेका छन् भने सुभराज सुवालले टाटा गाडी जित्न सफल भएका छन् ।
