काठमाडौं- रियो ओभरसिज प्रालिकी सञ्चालक रमा खड्का नेपाली कांग्रेसको शुभेच्छुक संस्था नेपाल लोकतान्त्रिक वैदेशिक रोजगार व्यवसायी एसोसिएसनमा प्रवेश गरेकी छन् । प्रगतिशील वैदेशिक रोजगार व्यवसायी मञ्च नेपालको साधारण सदस्य रहेकी उनी आइतबार मञ्च परित्याग गर्दै एसोसिएसनमा प्रवेश गरेकी हुन् ।
नेपाल वैदेशिक रोजगार व्यवसायी संघको कार्यसमिति सदस्यसमेत रहेकी खड्कालाई आइतबार एक समारोहबीच एसोसिएसनमा प्रवेश गराइएको एसोसिएसनका कार्यवाहक महासचिव तुलसी पुरीले जानकारी दिए ।
एसोसिएसनको आइतबार नै बसेको बैठकले कार्यसमिति सदस्य रविन मेगाले मगरले दिएको राजीनामा स्वीकृत गरेको उनले बताए । मगरले कार्यव्यस्तता जनाउँदै राजीनामा दिएका थिए । रिक्त रहेको उक्त पदमा जयहरी गोइतलाई नियुक्त गरिएको महासचिव पुरीले बताए ।
सोही अवसरमा एसोसिएसनका कानुनी सल्लाहकार अधिवक्ता अनुपम भट्टराई र सल्लाहकारहरु दानबहादुर बुढाथोकी, श्यामप्रसाद श्रेष्ठ, डा. अम्बिका शर्मा, दिलबहादुर धिताल, त्रिलोकचन्द विश्वास विक र खेमनारायण पौडेललाई बधाइ एवं शुभकमना दिइएको उनले बताए ।
