काठमाडौं- नेपाल वैदेशिक रोजगार व्यवसायी संघले पाँच जना सल्लाहकार नियुक्त गरेको छ । संघले विधानअनुसार आइतबार सल्लाहकार नियुक्त गरिएको संघले जानकारी दिएको छ ।संघको प्रमुख सल्लाहकारमा तिलकबहादुर रानाभाट नियुक्त भएका छन् । उनी नुर अप्परच्युनिटिज ओभरसिज प्रालिका सञ्चालक हुन् ।
यसैगरी सल्लाहकारमा प्याराडाइज इन्टरनेसनल प्रालिका नवराज खत्री केसी र फ्युचर स्टार म्यानपावर प्रालिका हरीबहादुर पाण्डे नियुक्त भएका छन् । संघको प्रमुख कानुनी सल्लाहकारमा नेपाल बार एसोसिएसनका अध्यक्ष वरिष्ठ अधिवक्ता प्रा.डा. विजयप्रसाद मिश्र र कानुनी सल्लाहकारमा अधिवक्ता अनुपम भट्टराईलाई नियुक्त गरिएको छ ।
आइतबार नै संघका अध्यक्ष भुवनसिंह गुरुङले मनोनीत चारजना सदस्यहरुलाई शपथ गराएका छन् । मनोनीत सदस्यहरुमा अल जाफर इन्टरनेसनल प्रालिका सञ्चालक मोहमद जवारुदिन मियाँ, भर्षा म्यानपावर प्रालिका सञ्चालक रविन मेगाले मगर, रेडियण्ट ओभरसिज प्रालिका सञ्चालक शिवकुमार कार्की र रोज ह्युमन रिसोर्सेस प्रालिकी सञ्चालक सविताकुमारी सिंह छन् । अध्यक्ष गुरुङले गत असार ३२ गते संघको विधानअनुसार चार सदस्य मनोनीत गरेका थिए ।
