काठमाडौं - सरकारको कर नीतिको विरोधमा आन्दोलनरत सुनचाँदी व्यवसायीहरूले साताव्यापी आन्दोलन घोषणा गरेका छन् । उनीहरूले असार २७ गतेसम्मका आन्दोलनका कार्यक्रम सार्वजनिक गरेका हुन् ।सरकारले आगामी आर्थिक वर्ष २०८२/८३ को बजेटमार्फत सुनमा दुई प्रतिशत विलासिता कर र हिरालगायत बहुमूल्य धातुमा १३ प्रतिशत मूल्य अभिवृद्धि कर (भ्याट) लगाएपछि सुनचाँदी व्यवसायीहरू आन्दोलित बनेका हुन् ।
उनीहरूले विलासिता कर र भ्याट खोरजीको माग गर्दै पसल बन्दसहित आन्दोलन गर्दै आएका छन् ।आन्दोलनरत नेपाल सुनचाँदी व्यवसायी महासङ्घ र नेपाल सुनचाँदी रत्न तथा आभूषण महासङ्घलेसंयुक्त विज्ञप्ति निकालेर काठमाडौं उपत्यकामा असार २७ गतेसम्म आन्दोलनको तालिका सार्वजनिक गरेका छन् ।
कार्यक्रमअनुसार आज असार २२ गते वाणिज्य तथा आपूर्ति मन्त्रालयमा मस्यौदा बुझाउने र न्यूरोडमा प्लेकार्डसहित एक घण्टा विरोध प्रदर्शन गर्ने व्यवसायीहरूले बताएका छन् ।असार २३ गते आन्दोलनको रणनीति तय गर्न विज्ञसहितको टिमसँग छलफल गर्ने, २४ गते उपत्यकाका जिल्ला/नगरका यसअघि गर्न बाँकी रहेका कार्यक्रम गर्ने, २५ गते गोष्ठि आयोजना गर्ने र २६ गते काठमाडौंमा खबरदारी सभा गर्ने निर्णय व्यवसायीहरूले गरेका छन् ।यसैगरी, साताको अन्तिम दिन शुक्रबार काठमाडौंमा राष्ट्रिय रूपमा खबरदारी सभा गर्ने भएका छन् ।
