काठमाडौं - उदयपुरे चाम्लिङ राई समाजको आयोजनामा एकैसाथ पाँच पुस्तक लोकार्पण भएको छ । नेपाली साहित्य क्षेत्रमा लामो समयदेखि अनवरत रुपमा कलम चलाउदै आएका लेखक, स्रष्टाहरुको पाँच पुस्तक/कृतिहरु एकैसाथ लोकार्पण भएको हो ।
पुस्तक/कृतिहरुमा विजय बलम्तालीद्वारा लिखित ‘चाम्लिङ सामान्य ज्ञान’, शान्ता राईको ‘खोजी’ गजलसङ्ग्रह, अधिवक्ता शान्तिकृमारी राईको ‘रोडुङ–ट्या ’ (रिसिया), ‘हिंसा’ (कवितासङ्ग्रह) र आनन्दकला राईको ‘तुदी’ (चाम्लिङ भाषामा गजलसङ्ग्रह) रहेका छन् ।
जेठ २४ गते सम्पन्न भएको लेखक, स्रष्टाहरुको पुस्तक/कृतिहरु लोकार्पणपछि आ–आफ्नो पुस्तक र कृतिमाथि स्रष्टा आफूहरुले नै प्रकाश पारेका थिए, कसैको पुस्तक र कृतिमाथि टिप्पणीकार तथा समीक्षक भने देखिएको थिएन । पाठकसामु पुस्तक, कृतिहरु पुर्याउन सहयोग गरेकोमा उदयपुरे चाम्लिङ राई समाजलाई लेखक, स्रष्टाले धन्यवाद ज्ञापन दिए ।
उक्त कार्यक्रमको अवसरमा उदयपुरे चाम्लिङ राई समाजलाई एकथान ढोल र झ्याम्टा उपलब्ध गराउने समाजसेवी पदम बहादुर राईको सामाजिक भावनालाई कदर गर्दै प्रमुख अतिथिद्वारा किरात समुदायको सम्मानित फेटा गुथेर कदरपत्र स–सम्मान प्रदान गरेको थियो ।
पुस्तक लोकार्पण समारोहका प्रमुख अतिथि ‘चाम्लिङ राई खाम्बातिम’का अध्यक्ष युवराज राईले नेपाली साहित्य क्षेत्र तथा चाम्लिङ भाषामा कृति प्रकाशन हुनु एउटा इट्टा थपिनु हो । लेखक, स्रष्टाहरुलाई शुभकामना र धन्यवाद दिँदै आगामी दिनमा यसरी नै नयाँ सृजना लिएर आफ्नो भाषा, कला संस्कृतिको संरक्षण र समुदायको उत्थान कार्यमा लागि पर्न समेत आग्रह गरेका थिए ।
सो समारोका विशेष अतिथि टंक बहादुर राईले आफ्नो मौलिक भाषिक साहित्यले समुदायको पहिचान झल्काउन मद्दत पुग्ने उल्लेख गरे । यसैगरी आदिवासी किरात समाजका उपाध्यक्ष बमबहादुर राई, संस्थापक अध्यक्ष दिपक गोर्खाली राई, लेखक उत्तर कुमार राई, कालिसका अध्यक्ष काजीबहादुर राई, हौवा अनलाइन टिभीका जिवनजित राई लगायतले लेखक, स्रष्टाहरुलाई शुभकामना दिए।
उदयपुरे चाम्लिङ राई समाजको अध्यक्ष रविकुमार राई अध्यक्षतामा सम्पन्न भएको पुस्तक लोकार्पण समारोहमा भने “हाम्रो संस्थाको उद्देश्य नै भाषा, कला, संस्कृतिको संरक्षण र लेख रचनाको प्रर्वधन गर्ने रहेकोले आफ्नो कर्तव्य ठानी एकैसाथ पाँच वटा कृतिहरुलाई लोकार्पण गरेको हो, लेखक, स्रष्टाहरुप्रति हाम्रो सँधै सम्मान रहनेछ, हामीजस्तो अवस्थामा पनि लेखक, स्रष्टाले चाहेको कुरा नकार्न सक्दैनौ, यहाँहरुको साथ र सहयोगको लागि हामी जस्तोसुकै समयमा पनि संस्थाको तर्फबाट साथ र सहयोग रहने प्रतिबद्ध छौँ ।”
स्रष्टा, सर्जक, लेखक, प्रमुख अतिथि, विशेष अतिथि र सबै शुभचिन्तक सहभागीहरुको उपस्थितिले कार्यक्रम सफल भएकोमा अध्यक्ष राईले खुशी व्यक्त गर्दै सम्पूर्णलाई धन्यवाद दिएका थिए ।
उक्त समारोहमा उक्त समारोहमा उदयपुरे चाम्लिङ राई समाजको अध्यक्ष रविकुमार राई सभापतित्वमा सम्पन्न भएको कार्यक्रमका प्रमुख अतिथि किरात राई चाम्लिङ खाम्बातिमका अध्यक्ष युवराज राई, विशेष अतिथिहरुमा आदिबासी किरात समाजका उपाध्यक्ष बमबहादुर राई, किरात विद्वान टंक राई, दिपेन्द्र राई, अतिथिहरुमा अधिवक्ता शान्ती कुमारी राई (संस्थाका कानुनी सल्लाहकार तथा अध्यक्ष, उदयपुरे चाम्लिङला छाम्पातिम), दिपक ‘गोर्खाली’, लिलमराज राई, पदम बहादुर राई, लालसरा राई, राजकुमार राई, जीवनजीत राई, विक्रम चेतनशील राई, रजिन राई समेतको उपस्थिति रहेको थियो भने यस कार्यक्रमको सञ्चालन उदयपुरे चाम्लिङ राई समाजका सचिव रोजन राईले गरेका थिए ।
-1752335779.jpg)
