रानाभाटलाई कांग्रेस र माओवादीनिकट व्यवसायीलाई चुनावमा परिचालन गर्ने जिम्मेवारी
काठमाडौं– नेपाल वैदेशिक रोजगार व्यवसायी संघको निर्वाचन नजिकिँदै गर्दा नेपाल लोकतान्त्रिक वैदेशिक रोजगार व्यवसायी एसोसिएसन र वैदेशिक रोजगार व्यवसायी गणतान्त्रिक मञ्चले चुनावी तयारी तीव्र पारेका छन् । संघको आगामी कार्यसमिति चयनका लागि यही २९ चैतमा हुने निर्वाचनमा संयुक्त प्यानलबाट चुनाव लड्ने घोषणा गरेका यी दुई संगठनले निर्वाचनकै लागि विभिन्न समिति गठन गरेका छन् ।
एसोसिएसन र मञ्चले संयुक्तरुपमा निर्वाचन परिचालन मूल समारोह समितिसहित आठवटा समिति गठन गरेका हुन् । मूल समारोह समितिको संयोजकमा एसोसिएसनका संस्थापक अध्यक्ष तिलकबहादुर रानाभाट र सहसंयोजक गणतान्त्रिक मञ्चका वर्तमान अध्यक्ष धनलाल जैसी छन् । समितिमा यमबहादुर केसी, किरणकिशोर घिमिरे, विमलप्रसाद ढकाल, प्रज्ञान न्यौपाने, हंशराज वाग्ले, कुमुद खनाल, बलबहादुर तामाङ, ऋषिप्रसाद शर्मा, ज्ञानबहादुर तामाङ, परमेश्वर अधिकारी, ओम न्यौपाने, नवराज केसीलगाायत १०१ सदस्य रहेका छन् ।
किरणकिशोर घिमिरे संयोजक रहेको १५१ सदस्यीय चुनाव प्रचारप्रसार समिति गठन गरिएको छ । जसको सहसंयोजक बासु पुडासैनीलाई तोकिएको छ । प्रचारप्रसार समितिका सदस्यहरुमा रामप्रसाद गैरे, प्रतिमा महर्जन, शंकरप्रसाद आचार्य, मच्छिन्द्रनाथ सेर्मा, अमरप्रकाश तिवारी, पंकज कोइराला, विवस ढुंगाना, देवीप्रसाद काफ्ले, नरेश पुन, उद्ववप्रसाद सापकोटा, केदारनाथ अधिकारीलगायत छन् ।
निर्वाचनको आर्थिक पाटो हेर्न गठित आर्थिक समितिका संयोजक एसोसिएसनका वर्तमान अध्यक्ष दीपक थापा र सहसंयोजक सोमबहादुर तामाङ छन् । सदस्यहरुमा कुसाङ शेर्पा, लिलबहादुर तामाङ र राजु घिमिरे रहेका छन् । व्यवस्थापन समिति संयोजक विनोदजंग केसी र सहसंयोजक इन्द्रमणि न्यौपानेलाई तोकिएको छ । सदस्यहरु अभिन यमानसिंह बस्नेत, राजकाजी भोलान, रामप्रसाद गैरे र गोकुल रत्न छन् ।
निर्वाचनमा अनुशासन समितिको संयोजक कमलदेव मल्ल र सहसंयोजक बिल बस्नेतलाई तोकिएको छ । समितिका सदस्यहरु इन्द्र लामा र श्रद्धा खड्का छन् । महासमिति सदस्य महाधिवेशन प्रतिनिधि समन्वय समितिको संयोजक सञ्जय शेर्पा, सहसंयोजक मचिन्द्रनाथ सेर्मा र सदस्यमा चित्र केसी रहेका छन् ।प्रितम थापा मगरको संयोजकत्वमा संघ समन्वय समिति गठन गरिएको छ । जसको सहसंयोजक शिवकुमार कार्की र सदस्य एमबी राउत रहेका छन् । घटक जातीय भेगीय समन्वय समिति रविन शेरचनको संयोजकत्व र रमेश पाख्रिनको सहसंयोजकत्वमा गठन गरिएको छ । यस समितिमा तारामणि राई र व्यास माझी सदस्य छन् ।
त्यसैगरी ज्येष्ठ नागरिक एवं पुराना वैदेशिक रोजगार व्यवसायी समन्वय समितिको संयोजक दिलप्रसाद धिताललाई बनाइएको छ । यस समितिमा हिक्मत शेरचन, एकनारायण काफ्ले, तीर्थबहादुर गुरुङ, मदन खड्का, आरसी गिरी र सरोज लामा गरी छ जना सहसंयोजक छन् । लोकतान्त्रिक एसोसिएसन नेपाली कांग्रेसको शुभेच्छुक संस्था हो भने गणतान्त्रिक मञ्च नेकपा माओवादी केन्द्रनिकट व्यवसायीहरुको संगठन हो ।
गत आइतबार भुवनसिंह गुरुङको नेतृत्वमा एसोसिएसन र मञ्चको संयुक्त प्यानल घोषणा गरिएको थियो । यस प्यानलबाट प्रथम उपाध्यक्षमा नोकरी नेपाल प्रालिका सञ्चालक नरेन्द्रप्रसाद ढकाल उम्मेदवार बनेका छन् । यसैगरी द्वितीय उपाध्यक्षमा अलर्ट ओभरसिज प्रालिका सञ्चालक देवकुमार खोखाली, महासचिवमा ग्लोबल राइजिङ प्लेसमेन्ट प्रालिका सञ्चालक महेशकुमार बस्नेत सचिवमा आकृति रिक्रुटमेन्ट प्रालिका कुन्छादोर्जे डिम्दोङ र कोषाध्यक्षमा शुभहारती म्यानपावर प्रालिका विक्रम श्रेष्ठले उम्मेदवारी दिएका छन् । सचिव पदका उम्मेदवार डिम्दोङ गणतान्त्रिक मञ्चको कोटाबाट उम्मेदवार बनेका हुन् ।
संयुक्त प्यानलबाट सदस्य पदमा इम्पेरियल ओभरसिज प्रालिकी विद्यालक्ष्मी बज्राचार्य, हिमालयन भ्याली नेपाल प्रालिका देवीप्रसाद गिरी, ब्रदर इन्टरनेसनल इम्प्लोइमेन्ट प्रालिका दीपककुमार राय, रसुवा ओभरसिज प्रालिका सुवर्ण लामा, सेक्युर नेपाल जब प्लेसमेन्ट प्रालिका सुमनराज पाण्डे, युनिक ओभरसिज प्रालिका तिलरुपा दाहाल, ग्लोबल एचआर हब प्रालिकी गीता राउत, इगल म्यानपावर कन्सल्टेन्ट प्रालिका कृष्ण ढकाल, रिजा ओभरसिज प्रालिकी रेखा शेर्मा र युनिभर्सल एचआर सोलुसन प्रालिका भरत सापकोटाले उम्मेदवारी दिने भएका छन् ।
चुनावमा एसोसिएसन र नेकपा माओवादी निकट गणतान्त्रिक मञ्च तालमेल गरेर चुनावमा होमिने भएका छन् । संघको २१ सदस्यीय कार्यसमितिमा सचिव र ३ वटा सदस्य गणतान्त्रिकलाई दिइएको छ भने बाँकि सबै पदमा एसोसिएसनका उम्मेद्वार छन् ।
