काठमाडौँ – ग्रिनप्लाइले होलीको अवसरमा काठमाडौँको ककनीमा एक विशेष कार्यक्रम आयोजना गरेको छ । काठमाडौँ उपत्यकाका सम्पूर्ण डिलर तथा फर्निचर व्यवसायी सहभागी भएको उक्त कार्यक्रममा मनोरञ्जनात्मक नृत्य, कमेडी लगायतका विभिन्न सांस्कृतिक प्रस्तुति प्रस्तुत गरिएको थियो । ग्रिनप्लाइले आफ्ना ग्राहकलाई गुणस्तरीय सेवा प्रदान गर्नका लागि विराटनगरमा पहिलो पटक अटोमेटिक प्लान्टको सुरुवात गर्ने घोषणा पनि गरेको थियो जसले सो कार्यक्रममा थप उत्साह थपेको थियो । गुणस्तरीय सामाग्री र प्रभावकारी सेवा दिन सदैव तत्पर रहँदै आएको ग्रिनप्लाईले आगामी दिनहरूमा अझ भरपर्दो सेवालाई प्राथमिकता दिने पनि सोही कार्यक्रम मार्फत सबैलाई जानकारी गराएको थियो ।
