काठमाडाैं - डिजिटल प्लेटफर्महरूले हाम्रो दैनिक जीवनमा निकै परिवर्तन ल्याएको छ। व्यस्त दैनिकीलाई यी प्लेटफर्महरूले सहज र सुविधाजनक बनाएको छ।
सहजता प्रदान गर्ने यस्ता प्लेटफर्महरूको प्रयोग गर्दा केही जोखिमहरू पनि आउँछन्। विशेषगरी रकम लेनदेनको समय असुरक्षित महशुस हुन्छ। यी जोखिमहरूलाई सम्बोधन गर्न इसेवाले नयाँ सेवाको विस्तार गरेको छ।
इसेवाले प्रयोगकर्ताहरूलाई आफ्नो रकम सुरक्षित राख्न र लेनदेन प्रक्रियामा सुनिश्चितता प्रदान गर्न जिलोको लागि एस्क्रो (eScrow) सुविधा प्रयोगमा ल्याएको हो ।अहिले अनलाइन सपिङ लगायत अनलाइन कारोबार गर्दा ग्राहकहरू ठगिने प्रवित्ति बढेको छ। यस्तो अवस्थाका लागि यो सेवा निकै उपयोगी हुने आशा गरिएकाे छ ।
के हो एस्क्रो सुविधारु
एस्क्रो सुविधाले अनलाइन लेनदेनहरूमा एक तटस्थ तेस्रो पक्षको रूपमा काम गर्छ। यसले खरिदकर्ता र विक्रेताहरूबीच सुरक्षित रकमको आदानप्रदान सुनिश्चित गर्छ। सुरक्षित र भरपर्दो प्लेटफर्म प्रदान गरेर, एस्क्रो सुविधाले सम्भावित जोखिमहरूलाई कम गर्छ र डिजिटल लेनदेनको लागि सुरक्षित वातावरणलाई बढावा दिन्छ।
एस्क्रो सुविधाले इसेवा प्रयोगकर्ताहरूलाई अर्को इसेवा वालेटमा सुरक्षित तरिकाले भुक्तानी गर्न अनुमति दिन्छ। कुनै पनि लेनदेन समय प्रेषकले प्राप्तकर्तालाई पठाएको रकम प्रेषक आफैले आफ्नो खातामा ‘होल्ड’ गरेर राख्न मिल्छ। प्राप्तकर्ताले आफ्नो दायित्व पूरा गरेपछि बल्ल प्रेषकले होल्डमा राखेको रकम प्राप्तकर्ताले पाउन मिल्ने गरी जारी गर्न मिल्छ। यो प्रयोगकर्ताले ‘सेन्ड मनी ’ भन्ने फिचरको प्रयोगमा गर्न सक्छन्।
उदाहरणको लागि एक अनलाइन स्टोरबाट सामग्री खरिदका लागि अग्रिम भुक्तानी गर्नुपर्ने अवस्था छ तर ती स्टोरलाई विश्वास गर्न सकेको छैन। यस्तोमा त्यो स्टोरले पठाएको जानकारीमा रकम पठाए पनि पूर्ण रूपमा रकम उनीहरूले पाएका हुँदैनन्। पठाएको रकम खातामा होल्डमा हुनेछ । सामग्री पाइसकेपछि बल्ल सो रकम जारी गर्न सकिने भएकाे व्यवस्था विशेषता यसमा पाइने भएकाे छ ।
यो सेवाको मुख्य उद्देश्य भनेको प्रेषक र प्राप्तकर्ता दुवैलाई रकम स्थानान्तरण कारोबार गर्दा आश्वासन र सुरक्षा प्रदान गर्नु रहेकाे कम्पनिले जनाएकाे हो। यो सुविधाले अपरिचित वा अज्ञात व्यक्तिलाई भुक्तानीको लागि पैसा पठाउने जोखिमहरू कम गर्न मद्दत गर्ने अपेक्षा लिइएकाे छ ।
एस्क्रो सुविधा उपलब्ध
एस्क्रो सुविधा इसेवाको ‘सेन्ड मनी’ भन्ने विकल्पमा नै उपलब्ध छ। यसले व्यवस्थित कोष स्थानान्तरण सुनिश्चित गर्छ। अज्ञात प्रयोगकर्ताहरूलाई भुक्तानी गर्दा आफ्नो रकमको पनि सुनिश्चितता यो सेवामार्फत गर्न सकिन्छ।
प्रक्रिया?
एस्क्रो सुविधाको प्रयोग गर्न यी प्रक्रिया अपनाउनुहोस्स्
१। इसेवाको एपमार्फत आफ्नो खाता लगइन गर्नुहोस्।
२। होम स्क्रिन मै देखिने ‘सेन्ड मनी’ विकल्प रोज्नुहोस्।
३। प्राप्तकर्ताको विवरण र पठाउने रकम भर्नुहोस्।
४। सोही पृष्ठमा देखिने एस्क्रो सेवा अन गर्नुहोस्।
यसो गरेपछि सेवा बापतको शुल्क लाग्ने भन्दै नोटिफेकेसन आउँछ। त्यसलाई ‘मान्य छ’ भन्ने विकल्प रोज्नुहोस्।
५। आवश्यकता अनुसार थप विवरणहरू भर्नुपर्ने हुन्छ। सम्पूर्ण विवरण भरेर पुष्टि गर्नुहोस्।
यदी तपाईंले इसेवा मार्फत पहिलो पटक कसैलाई रकम पठाउँदै हुनुहुन्छ र यो सेवा प्रयोग नगर्ने विकल्प रोज्नुभएको छ भने तपाईंलाई एस्क्रो सेवा प्रयोग गर्न सूचित गरिन्छ। यद्यपि, तपाईंसँग यो सेवा प्रयोग नगर्ने विकल्प पनि छ।
६। ‘कन्फर्म’ बटन रोज्नुहोस्।
एस्क्रोको प्रयोग बापत लाग्ने शुल्क यस प्रकारको छः
