काठमाडाैं - कालंगा हाईड्रो लिमिटेडले प्रारम्भिक सार्वजनिक आइपिओ शेयरको प्रत्याभुतिकर्तामा ज्योति क्यापिटल लिमिटेड नियुक्त गरेकाे छ । बिहीबार एक कार्यक्रम गरी कालंगा हाईड्रो लिमिटेडले साधारण शेयरको प्रत्याभुति ज्योति क्यापिटलले गर्ने भएको जनाएकाे हाे ।
सर्वसाधारणका लागि जारी गर्ने प्रति शेयर अंकित मूल्य रु. १००/– का दरले कुल ने.रु. ४९,००,००,०००/– (अक्षरेपी उन्नचास करोड रुपैयाँ मात्र) बराबरको ४९,००,००० थान साधारण शेयर मध्ये ३४,९०,००,०००/–(अक्षरेपी चौतीस करोड नब्बे लाख रुपैंया मात्र) बराबरको ३४,९०,०००/–थान साधारण शेयरको प्रत्याभुति ज्योति क्यापिटलले गर्ने भएको छ ।
बिहिबार क्यापिटल र हाइड्रोपावर कम्पनीबीच शेयर प्रत्याभुति गर्ने सम्झौतामा हस्ताक्षर भएको हो । कालंगा हाईड्रो लिमिटेडको रजिष्टर्ड कार्यालय, धोबिघाट , ललितपुरमा आयोजित एक समारोहबिच ज्योति क्यापिटल लिमिटेडका तर्फबाट प्रमुख कार्यकारी अधिकृत विकास ढकाल, कालंगा हाईड्रो लिमिटेडको तर्फबाट सञ्चालक तिर्थराज चटौतले शेयर प्रत्याभुति गर्ने सम्झौतापत्रमा हस्ताक्षर गरे ।
ज्योति विकास बैंकको सहायक कम्पनीको रुपमा रहेको ज्योति क्यापिटलको चुक्ता पुंजी २१ करोड रहेको छ । हरेक ग्राहकहरुको सम्पन्नताको सहयात्री बन्ने अभिलाषा बोकेको क्यापिटलले नेपाल धितोपत्र वोर्डमा मर्चेन्ट बैंकरको कार्य गर्न अनुमती प्राप्त गरी लगानी व्यवस्थापन सेवा, संस्थागत परामर्श, धितोपत्रको प्रत्याभूति सेवा प्रदान गरिरहेको छ ।
