काठमाडाैं - सिटिजन्स बैंकको सहायक कम्पनी सेक्यूरिटिज संचालनमा ल्याएकाे छ । सिटिजन्स बैंकको सहायक कम्पनीलाई एक समारोहका गरी रजिष्ट्रारको कार्यालयमा मिति २०७६।०२।२८ स्थापित ललितपुरकाे कुपण्डोलमा प्रधान कार्यालय रहेकाे सि.बि.आई.एल. सेक्यूरिटिज कम्पनी लिमिटेड संचालनमा आएकाे छ ।
यस सि.बि.आई.एल. सेक्यूरिटिज कम्पनी लिमिटेडले नेपाल धितोपत्र वोर्डवाट मिति २०८० श्रावण ३२ गतेका दिन र नेपाल स्टक एक्सचेन्ज लिमिटेडबाट मिति २०८०।६।२९ मा धितोपत्र दलाल नं.९१ सदस्यता प्राप्त गरेकाे थियाे ।
सिटिजन्स बैंकको संचालक समितिका अध्यक्ष प्रबल जंग पाण्डेले कम्पनीको विधिबत उदघाटन गरी कम्पनीको टि.एम.एस सेवा संचालनमा ल्याएका हुन् । कार्यक्रमलाई संबोधन गर्दै अध्यक्ष पाण्डेले संस्थाको पूर्ण सफलताको कामना गर्दै धितोपत्र बजारमा सि.बि.आई.एल. सेक्यूरिटिजले आफनो छुट्टै पहिचान बनाउने धारणा व्यक्त गरे ।
साथै सिटिजन्स बैंकका प्रमुख कार्यकारी अधिकृत गणेश राज पोखरेलले यस संस्था सिटिजन्स बैंकको पूर्ण स्वामित्वमा खोलिएको पहिलो संस्था भएको र आगामी दिनहरुमा अरु विभिन्न किसिमका सेवा सुविधाहरु ग्राहकहरु माझ ल्याउने गरि थप संस्थाहरुको स्थापना गर्न सकिने धारणा व्यक्त गरेका छन्।
यो संस्था बैंकको आफ्नै कुपन्डोल स्थित भवनबाट संचालनमा ल्याइएको छ । उक्त उदघाटन समारोहमा सिटिजन्स बैंकका संचालकहरु, प्रमुख कार्यकारी अधिकृत र उच्च व्यवस्थापन लगायत उक्त सेक्यूरिटिजका संचालकहरु, कम्पनी कर्मचारीहरुको उपस्थिति थियो ।
धितोपत्र बजारमा एक विश्वसनीय धितोपत्र दलालको रुपमा स्थापित हुने उद्देश्यले स्थापित कम्पनीले आफना ग्राहकलाई ब्रोकर खाता खोल्ने सेवा लगायत डिम्याट खाता तथा केन्द्रीयकृत KYC खोल्ने सेवा समेत प्रदान गरिने व्यवस्था गरिएको जनाएकाे छ ।
कम्पनीका अनुसार सिटिजन्स बैंक लिमिटेडको कुपण्डोल शाखा भवनमा रहेको हुँदा ग्राहकहरुले बैंक खाता खोल्न तथा शेयर धितो कर्जा समेत एकै भवनवाट सेवा प्राप्त गर्न सक्ने छन् । निकट भविष्यमा देशका विभिन्न प्रदेशहरुमा शाखा खोली ग्राहकहरुलाई उच्चस्तरको धितोपत्र दलाल सेवा प्रदान गर्ने उद्देश्य लिएको कम्पनीकाे भनाइ छ ।
