काठमाडौं –भिजि ईम्पेक्स र एभरेष्ट बैंक लिमिटेडबीच वित्तीय सम्झौता भएकाे छ। भि.जि. ईम्पेक्स प्रा.लि. नेपालमा जि.डब्लु.एम सवारीसाधनहरुको एकमात्र आधिकारिक आयातकर्ता र वितरकले एभरेष्ट बैंक लिमिटेडसँग आईसीई सवारीसाधनहरु हाभल जोलायन, हाभल एच६, पावर र विङ्गल र इलेक्ट्रिक गाडी ओरा ०३ लगायतका विभिन्न प्रकारका सवारी साधनहरूको वित्तीय (फाइनान्सिङ) सुविधाका लागि सम्झौता गरेको हाे ।
उक्त सम्झौतामा आज भि.जि.ईम्पेक्स – जि.डब्लु. एम नेपालका भाइस–प्रेसिडेन्ट रुपेश शर्मा भट्ट र र एभरेष्ट बैंक लिमिटेडका उप–महाप्रबन्धक गौरव कुमारले जि.डब्लु एमका सवारी साधनलाई ग्राहकहरुका लागि फाइनान्सिङ सुविधा पहुँच योग्य बनाउने दिशामा महत्वपूर्ण कदमको रुपमा हस्ताक्षर गरेका छन् ।
जि.डब्लु.एमका कुनै पनि सवारीसाधन खरीद गर्न चाहने ग्राहकहरुलाई सहज रिटेल फाइनान्सिङ अनुभव प्रदान गर्नेे उद्देश्यकासाथ सहकार्य गरिएको जनाइएकाे छ । यसले ग्राहकहरुलाई प्रतिस्पर्धी ब्याज दरहरू, डाउन पेमेनट र कर्जा अवधि सहित विभिन्न प्याकेजहरू उपलब्ध गराउने लक्ष्य राखेको छ, जुन ग्राहहरुले आफ्नो आवश्यकताहरुको आधारमा छनौट गर्न सक्छन् ।
एभरेष्ट बैंकले अधिकतम ७ वर्षको अवधिको लागि उत्कृष्ट ROI (ब्याजदर ) सहितको अधिकतम ८०% ऋण उपलब्ध गराउने छ ।३वर्ष सम्मको कर्जा अवधिको लागि, न्युनतम प्रभावकारी ROI (ब्याजदर) १०.८०%८ रहनेछ। जि.डब्लु.एमका इलेक्ट्रिक गाडी (EV) को लागि ROI (ब्याजदर) मात्रBR* २.००% (११.३०% को प्रभावकारी ब्याज दर) रहनेछ ।
जि.डब्लु.एमका आईसी मोडेलको गाडीको लागि ROI (ब्याजदर) मात्र BR* २.५०% (११.८० % को प्रभावकारी ब्याज दर) रहनेछ । जि.डब्लु.एमका इलेक्ट्रिक गाडी (EV) कोे लोन–टु–भ्यालु (लोन–टु–भ्यालु/बैंक फाइनान्स) मा ५०% सम्मको लगानीमा च्इक्ष् (ब्याजदर) मा थप ०.५०% छुट उपलब्ध गराइएको छ ।
सबै गाडीहरुको लागि कर्जा प्रशोधन शुल्क स्वीकृत कर्जाको मात्र ०.५०% निर्धारित गरिएको छ ।ग्राहकहरूले अटो कर्जाको लागि आवश्यक कागजातहरू सहित नजिकैको एभरेष्ट बैंक शाखामा गएर आवेदन दिन सक्ने जनाइएकाे छ।
