सत्तापक्ष खुसी, विपक्षी दुःखी

राजनीति

Home
राजनीति
सत्तापक्ष खुसी, विपक्षी दुःखी

सत्तापक्ष खुसी, विपक्षी दुःखी

ram chandra poudel

. सरकारको यो कार्यक्रम शब्दहरूको मात्रै थुुप्रो होइन: सरिता प्रसाईं . राष्ट्रपतिलाई सरकारले झुटो नीति कार्यक्रम प्रस्तुुत गरायो: ठाकुर गैरे .जुनतारा, नक्षत्र, ग्रह सबै दिन्छु भन्ने खालको कार्यक्रम छ तर जनतामा आशा जगाउँदैन: शिशिर खनाल काठमाडौं– राष्ट्रपति रामचन्द्र पौडेलले सरकारको आगामी आर्थिक वर्ष २०८०/०८१ को नीति तथा कार्यक्रम सार्वजनिक गरेका छन् । शुक्रबार संघीय संसद्मा पौडेलले सार्वजनिक गरेको कार्यक्रममा केही नयाँ कार्यक्रम समेटिएका छन् । धेरै कार्यक्रम भने पुरानै छन् । कार्यक्रमलाई सत्तारूढ गठबन्धन दलहरूले देश विकास र समृद्धिको स्पष्ट ‘मार्गचित्र’ मानेका छन् । जनताको जीवन परिवर्तनको आधारशिलाको रूपमासमेत चित्रण गरिएको छ । विपक्षी दलहरूले चाहिँ सरकारको कार्यक्रमलाई परम्परागत र जनतामा आशा जगाउने खालको नभएको भनेका छन् । देशको आर्थिक संकटमोचन गर्ने गरीको कुनै कार्यक्रम नसमेटिएको भन्दै सरकारको आलोचना पनि गरेका छन् । गठबन्धन सरकारको यो पहिलो नीति तथा कार्यक्रम हो । यसअघि नै सार्वजनिक साझा न्यूनतम कार्यक्रमसँग सरकारको नीति कार्यक्रम आधारित छ । यसबारे प्रतिक्रिया जनाउँदै सत्तारूढ कांग्रेसकी सांसद सरिता प्रसाईंले प्रभावसँग भनेकी छन्, ‘सरकारको यो कार्यक्रम शब्दहरूको मात्रै थुुप्रो होइन ।’ उनले जनताको चाहनाअनुसार देश विकास र समृद्धिको प्रस्ट र कार्यान्वयन गर्न सकिने कार्यक्रम सरकारले ल्याएको बताइन् । ‘यसपालि धेरै नयाँ कुरा आएका छन् । महिलाहरूको स्तन क्यान्सरको निःशुल्क परीक्षण, क्रिकेट रंगशाला तीनवटा प्रदेशमा निर्माण गर्ने, आर्थिक संकटमोचन गर्नेलगायत योजना छन्,’ उनले भनिन्, ‘ऊर्जा, सिँचाइसँगै कृषि क्षेत्रमा नयाँ कार्यक्रम छन् । यसले देशलाई समृद्ध र विकसित बनाउनेछ ।’ कांग्रेसकै अर्का सांसद दिलेन्द्रप्रसाद बडुुले हरेक प्रदेशमा युवायुवतीलाई सीप विकास केन्द्र स्थापना गर्नेदेखि उद्योगधन्दाको प्रबद्र्धन गर्नेजस्ता कार्यक्रमले रोजगारी सिर्जना हुने बताए । कार्यान्वयनमा सरकार सफल भए हरेक दिन सयौँको संख्यामा विदेशिनुुपर्ने अवस्थाको अन्त्य हुने दाबी गरे । ‘पाखुुरीमा बल भएका युवायुवतीलाई स्वदेशमै अड्याउनुपर्ने ठूलो चुतौती छ । त्यसका लागि सरकारले सीप विकास गर्न केन्द्र स्थापना गर्ने कार्यक्रम ल्याएको छ,’ सांसद बडुुले भने, ‘उद्योग कलकारखाना विस्तार गर्ने भनिएको छ । यसले स्वाभाविक रूपमा वैदेशिक रोजगारीमा जानेको दर घटाउँछ ।’ एमाले सांसद ठाकुर गैरेलाई भने सरकारको कार्यक्रमले निकै दुःखी बनाएको छ । उनका अनुसार कार्यक्रममार्फत सरकारले अहिलेको आर्थिक संकट र शासन प्रणालीमा देखा परेका समस्यालाई सम्पूर्ण रूपले अस्वीकार ग¥यो । जुन दुःखदायी हो । ‘आर्थिक संकट र शासन प्रणालीमा देखिएका समस्यालाई नीति कार्यक्रमलाई स्वीकानुुुपथ्र्यो । स्वीकारेन । एक प्रकारले राष्ट्रपतिलाई सरकारले झुटो नीति कार्यक्रम प्रस्तुुत गरायो,’ गैरेले भने, ‘चालु आर्थिक वर्षमा आठ प्रतिशत वृद्धिदरको लक्ष्य लिएको तर दुुई प्रतिशत पनि नपुुगेको यथार्थबीच सरकारको पुरानै ढर्राको कार्यक्रम आयो । यसले हुनेवाला केही छैन ।’ नीति तथा कार्यक्रमबारे संसद्मा छलफल हुन बाँकी छ । तर, सत्ता पक्षले ठीक मान्दा विपक्षी दलहरूले ‘कर्मकाण्डी’ कार्यक्रम भएको टिप्पणी गर्दै आएका छन् । फेरि यहीबेला देशले चरम आर्थिक संकटको सामना गरिरहेको छ । कर्मचारीहरूले नियमित तलब पाएका छैनन् । राजस्व संकलनमा कमी आएको छ । बढ्दो बेरोजगारी समस्या छ । सुशासन कायम गराउन सरकार अझै चुकेको छ । देशको राजनीतिक नक्सामा समेटिएको लिपुुलेक, लिम्पियाधुरालगायत भूमि फिर्ताको अर्थपूर्ण पहलकदमी भारत सरकारसँग भएको छैन । शिक्षा, स्वास्थ्यजस्ता क्षेत्रमा बेथिति मौलाउँदो छ । यी तमाम समस्याहरूको सम्बोधन सरकारको नीति कार्यक्रमले नगरेको राष्ट्रिय स्वतन्त्र पार्टी (रास्वपा)का सांसद शिशिर खनालले बताए । उनका अनुसार कार्यक्रमले नेपाली जनतामा कुनै आशा पनि जगाउँदैन । उनले भनेका छन्, ‘अहिलेको आर्थिक अवस्था विम्बित हुने खालको कार्यक्रम आएन । कार्यक्रम हेर्दा चाहिँ जुनतारा, नक्षत्र, ग्रह सबै दिन्छु भन्ने खालको छ । तर, यसले जनतामा आशा जगाउँदैन ।’ सत्तारुढ दल जनता समाजवादी पार्टी (जसपा)का सांसद प्रकाश अधिकारीले समेत नीति तथा कार्यक्रममा समेट्नै पर्ने केही कुरा समेट्न छुटेको बताए । उनले भने, ‘सरसर्ती हेर्दा संघीयतालाई अझै मजबुत बनाउन आवश्यक कुराहरू कमी भएको देखियो ।

प्रकाशित मिति: शनिबार, जेठ ६, २०८० १०:३०

प्रतिक्रिया दिनुहोस्