अल्बाट्रोस पृथ्वीको सबैभन्दा ठूलो समुद्री चराहरू मध्ये एक हो किनभने यिनीहरु एक पटकमा दश हजार माइलसम्म उड्न सक्छन् । जैविक परिवार डिओमेडिइडेइ (Diomedeidae) का सम्बन्धित ठूला समुद्री चराहरू हुन् ।
यिनीहरू दक्षिणी महासागर र उत्तर प्रशान्तमा व्यापक रूपमा पाइने गर्दछ । यी लामो समयसम्म बाँच्ने चराहरूको उमेर ५० वर्ष पुगिसकेको छ ।अल्बाट्रोसहरू तिनीहरूको उत्कृष्ट उडान कौशलका साथसाथै उनीहरूलाई टेकअफ र ल्यान्डिङमा हुने कठिनाइका लागि परिचित रहेका छन् ।
तिनीहरू एक पटक आफ्नो पखेटा नफटफटाई धेरै माइलसम्म ग्लाइड गरी उड्न सक्छन् । तिनीहरूसँग अरु चराकोभन्दा लामो पखेटा हुन्छ, लगभग ३.५ मिटरसम्म पुग्छ । सन् २००५माा, यो पत्ता लाग्यो कि खरानी टाउको भएको अल्बाट्रोसले ४६ दिनमा दक्षिणी गोलार्धमा संसारभर १३ हजार ७६० माइल उडेको थियो । नयाँ अध्ययनका अनुसार यी चराहरू दस सेकेन्डमा शत्तिशाली सुताइ गरेर हप्तासम्म उचाइमा बस्न सक्छन् ।
ठूला अल्बाट्रोस प्रजातिहरूले समुद्रमा पाँच वर्षसम्म बिताउन सक्छन् । यिनीहरू जमिनमा विरलै देखिन्छन् । मुख्यतया अल्बाट्रोसहरूले स्क्विड वा स्कुलिङ माछा खाने गर्दछन् ।वर्षमा यिनीहरुले एक पटक मात्र अण्डा पार्ने गर्दछन् र यसको हेरचाह पालैपालो गर्ने गर्दछन् ।
प्रजनन गर्ने समयमा तिनीहरु दुर्गम टापुहरूमा ठूला उपनिवेशहरू बनाइ बस्ने गर्दछन् । सो जोडीले पारेको एउटै अण्डाबाट आफ्ना सन्तानहरु उत्पादन गर्दछन् । जब ती बचेराहरु तीन देखि दस महिना भित्रमा युवा अवस्थामा पुगी उड्न सक्षम हुने गर्दछन् । तिनीहरू यौन परिपक्वतामा नपुगुञ्जेल लगभग पाँच देखि दस वर्षसम्म उक्त भूमि छोड्ने गर्दछन् ।
अल्बाट्रोसलाई प्रेमीलो जोडीका रुपमा पनि लिने गरिन्छ । मानवको जस्तै, अल्बाट्रोसहरूले साथी छान्न लामो समय लिने गर्दछन् । तिनीहरू आफ्नो जीवनको लागि एकअर्कामा समर्पित हुन्छन् । जोडीहरू मध्ये एकको मृत्यु नभएसम्म उनीहरु सँगै रहने गर्दछन् । कुनै पनि चराको सबैभन्दा प्रतिबद्ध प्रेमी हुन् भनेर अल्बाट्रोसको जोडीलाई मान्न सकिन्छ । विश्वभर मानव सम्बन्ध विच्छेदको दर ४० प्रतिशतको हाराहारीमा रहेको छ तर यिनीहरुमा भने सम्बन्धविच्छेदको दर लगभग शून्य प्रतिशतमा मापन गरिएको छ ।
IUCN द्वारा मान्यता प्राप्त २२ प्रजातिका अल्बाट्रोसहरू मध्ये, २१ चासोको स्तरमा सूचीबद्ध रहेका छन् । दुई प्रजातिहरू गम्भीर रूपमा लोपोन्मुख छन् , सात प्रजातिहरू लोपोन्मुख छन् , छ प्रजातिहरू जोखिममा छन्। प्वाँखको लागि मार्ने हुनाले यस्ता प्रजातिहरू विगतमा अल्बाट्रोसको संख्या घटेका थिए ।
३.७ मिटर चौडाइको पखेटाको साथ, घुमफिर अल्बाट्रोस(Diomedea exulans) पखेटाको हिसाबले पृथ्वीमा सबैभन्दा ठूलो जीवित चरा हो । सन् २०२२को ९ डिसेम्बरको तथ्याकं अनुसार संसारको सबैभन्दा पुरानो ज्ञात जंगली चरा, भर्खरै मिडवे एटोलमा फर्किएको छ जसको नाम, Laysan albatross, or mōlī, दिइएको छ । सो चरा अहिले कम्तीमा ७१ वर्षको भइसकेको जनाइएको छ ।
बीबीसीका अनुसार यसले लगभग ८० माइल प्रति घण्टाको अधिकतम उडान गति हासिल गर्दछ । सन् २०२२को १९ नोभेम्बरमा गिनिज बुक अफ वल्र्ड रेकर्डमा खैरो टाउको भएको अल्बाट्रोसलाई स्तर उडानमा सबैभन्दा छिटो चराको रूपमा रेकर्ड गरिएको छ । सो अल्बाट्रोसले७८.९ माइल जुन १२७ किमी प्रति घण्टामा तेस्रो उडान गतिको लागि आधिकारिक गिनिज वर्ल्ड रेकर्ड राखेको हो ।
