काठमाडाैं - सिद्धार्थ इन्स्योरेन्सले महाकाली नदिबाट भएकाे निर्माणाधिन संरचनाकाे क्षतिकाे दाबी रकम भुक्तानी दिएकाे छ । अक्टोवर महिनामा भएको भारि वर्षाका कारण महाकाली नदिमा आएको बाढीले कञ्चनपुरको भिमदत्त–१२ ओदाली स्थित निर्माणाधिन परियोजनाको सम्पूर्ण जोखिम( Contractors All Risk) नाममा ठेकेदारले बीमा गराएकाेमा साे भुक्तानी कम्पनीले दिएकाे हाे ।
गत बर्ष मौसम विभागले सो वर्षको मनसुन सकिएको घोषणा गरिएको साता नपुग्दै मिति २०७८ असोज ३१ देखि कार्तिक २ गते सम्मको लगातार बेमौसमी वर्षातले देशैभर व्यापक जनधन क्षति भएको थियो । अक्टोवर महिनामा भएको भारि वर्षा १२वर्ष यताकै उच्च थियो ।
उक्त वर्षातले कञ्चनपुरको भिमदत्त–१२ ओदाली स्थित निर्माणाधिन ६ लेनको सडक मनोरञ्जन पार्कको निमित्त बनेका पोखरीका संरचना (Pond Island) र ४ लेनको पक्की पुलको पहुँच मार्गमा ठूलो क्षति पुर्याएको थियो ।
उक्त परियोजनाको यस बीमा कम्पनीमा ठेकेदारको सम्पूर्ण जोखिम (Contractors All Risk) बीमा भएकोले मूल्यांकनकर्ता बाट मूल्यांकन भइ कायम भएको क्षति वापतको बीमा रकम रु. ८९७,९८,०००/– को चेक प्रमुख कार्यकारी अधिकृत वीरेन्द्र वैदवार क्षेत्री ज्यूले वीमित कुमार सी एफ इ सी जे/भी का प्रतिनिधी शुशील कुमार श्रेष्ठलाई हस्तान्तरण गरेका हुन् ।
चालु आर्थिक वर्ष २०७८/७९ को हाल सम्म यस कम्पनीले ७८२८ वटा दावी फर्छयौट गरी रु. १,०७६,०२६,९४८/– तथा अग्रिम दावी वापत विभिन्न दाबी कर्ताहरुलाई रु.८०,०००,०००/– भुक्तानी गरी जम्मा रु. १,१५६,०२६,९४८/– भुक्तानी गरेको छ भने फर्छयौट गर्न बाँकी दाबीको संख्या ३८५७ (कोरोना दाबी वाहेक) रहेको र सो वापत भुक्तानी गर्नु पर्ने रकमं रु.१,१६०,७६२,५९५/– रहेको छ ।
प्रकाशित मिति: बुधबार, वैशाख २१, २०७९ १९:३०
-1745656903.jpeg)