काठमाडाैं - यूनाइटेड इन्स्योरेन्स कम्पनी (नेपाल) लिमिटेडले बेस्ट इन्स्योरेन्स अवार्डबाट सम्मानित भएको छ ।
छिमेकी मुलुक भारतको कलकत्तामा ३० अप्रिल २०२२ मा इन्डियन चेम्बर अफ कमर्सले आयोजना गरेको एसिया स्थरको 3
rd Emerging Asia Insurance Conclave & Awards 2021 मा नेपालबाट Best General Insurance Company of the Year Award बाट यूनाइटेड इन्स्योरेन्स सम्मानित भएको हाे ।
विश्व विख्यात प्राप्त चार्टर एकाउन्टेन्सी तथा कन्सल्टेन्सी संस्था पीडब्लुसीले स्वतन्त्र रुपमा मूल्यांकन गर्दा विभिन्न वित्तीय सुचाङ्कहरुमा उत्कृष्ट कार्यसम्पादन गर्न तथा निर्जीवन बीमा क्षेत्रमा महत्वपूर्ण योगदान दिन सफल भएकाेमा इन्स्योरेन्सले उक्त अवार्ड प्राप्त गर्न सफल भएको हो ।
उक्त अवार्ड ग्रहण गर्नका लागि कम्पनीको तर्फबाट कम्पनीका प्रमुख कार्यकारी अधिकृत उपासना पौडेल साे कार्यक्रममा उपस्थित भएकी थिइन् । कम्पनी संचालनको २८ औं वर्षमा कम्पनीले गत FY 2020-21 मा सर्वप्रथम १ अर्ब क्लबमा आफूलाई सामेल गराउन सफल भएको थियो ।
कम्पनीलाई सफलताको दिशामा अग्रसर गराउन सफल प्रमुख कार्यकारी अधिकृत उपासना पौडेलले इन्डियन चेम्बर अफ कमर्सलाई धन्यवाद दिदैँ उक्त सफलता हात पार्नका लागी साथ दिने कम्पनीको संचालक समितिका अध्यक्ष, संचालक समिति, शेयरधनीहरु, ग्राहकहरु, नियामक निकाय बीमा समिति तथा कोभिडको समयमा समेत अहोरात्र मिहिनेत गर्ने आफ्ना कर्मचारी साथीहरु तथा सञ्चार जगत लगायत सबैमा कृतज्ञतासहित हार्दिक धन्यवाद ज्ञापन गरेकी छन् ।
