काठमाडौं- क्लासिक कल्चर सेन्टरका संस्थापक अध्यक्ष ललितपुर जिल्ला निवासी स्वजन रघुवंशीले नेपाली नृत्य विधामा विद्यावारिधि हासिल गरेका छन्।
उनले भारतको छत्तीसगढ, खेरागढस्थित राजकुमारी इन्दिरा सिंह कला संगीत विश्वविद्यालयबाट नृत्य विषयमा विद्यावारिधि गरेका हुन्।
नेपालमा नृत्य विषयमा विद्यावारिधिको उपाधि हासिल गर्ने उनी पहिलो नेपाली हुन्।
रघुवंशीले नेपाली लोकनृत्य, चर्या नृत्य, कथक र भरतनाट्यमलगायत विभिन्न नृत्यशैलीमा अध्ययन, प्रशिक्षण प्रस्तुत गरेका थिए।
विद्यावारिधिअघि उनले सृजना कलेज अफ फाइन आर्ट्स, लाजिम्पाटबाट नृत्यमा स्नातक तथा भारतको बनारस हिन्दू विश्वविद्यालयबाट भारतनाट्यम नृत्यमा स्नात्तोकत्तर गरेका थिए।
