काठमाडौं - ‘दशौं न्यु बिज कन्क्लेभ एन्ड बिजनेस एक्सलेन्स अवार्ड्स–२०२६’ विभिन्न ९ कम्पनी र एक जना वरिष्ठ उद्यमीलाई सम्मान गर्दै काठमाडौंमा सम्पन्न भएको छ। न्यु बिजनेस एज लिको आयोजनामा भएकोे ‘दशौं न्युबिज कन्क्लेभ एन्ड विजनेश एक्सलेन्स अवार्डस् –२०२६’ कार्यक्रम विभिन्न ९ कम्पनी तथा एक जना वरिष्ठ उद्यमीलाई सम्मान प्रदान गरेर आज काठमाडौमा सम्पन्न भएको छ ।
एशियन पेन्ट्स् नेपाल मुख्य प्रायोजक रहेको यो कार्यक्रम सन् २०१३ देखि हरेक वर्ष हुँदै आएको छ । सन् २०१३ देखि सञ्चालन हुँदै आएको यो कार्यक्रम भूकम्प, नाकाबन्दी र कोभिडका कारण केही वर्ष भने आयोजना हुन सकेको थिएन।
कार्यक्रममा प्रमुख अतिथिका रूपमा अर्थमन्त्री डा.. स्वर्णीम वाग्ले सहभागी भएका थिए भने भारतको नीति आयोगका पूर्व उपाध्यक्ष तथा पहेले इन्डिया फाउन्डेशनका अध्यक्ष डा. राजीव कुमारले कि मन्तव्य दिएका थिए ।
पहिलो सत्रमा ‘रिसेट, रिफर्मः राइजिङ नेपाल्स ग्रोथ पाथ’ विषयमा प्यानल छलफल आयोजना गरिएको थियो। छलफलमा राष्ट्रिय योजना आयोगका सदस्य सुदन झा, अर्थ सचिव डा. घनश्याम उपाध्याय तथा डाेल्मा इम्प्याक्ट फन्डका प्रमुख कार्यकारी अधिकृत टिम गोचर सहभागी थिए। छलफलमा नेपालले १०० अर्ब अमेरिकी डलरको अर्थतन्त्र निर्माण गर्ने सम्भावना, आगामी ५०० दिनका सुधारका प्राथमिकता तथा विश्वका सफल उदाहरणबाट नेपालले सिक्न सक्ने विषयमा विचार आदानप्रदान गरिएको थियो।
कार्यक्रमको दोस्रो सत्रमा व्यवसायिक क्षेत्रमा लामो समय योगदान पुर्याएका व्यक्तिलाई ‘लाइफटाइम अचिभमेन्ट इन बिजनेस लिडरशीप २०२६’ सम्मान प्रदान गरिएको थियो। उक्त सम्मान हरी प्रसाद पाण्डेलाई प्रदान गरिएको हो। त्यस्तै, विभिन्न विधामा कम्पनीहरू सम्मानित भएका छन्। ‘बेस्ट म्यानेज्ड आईटी कम्पनी अफ द इयर’ अवार्ड Codeavatar Tech Pvt. Ltd. ले प्राप्त गरेको छ भने ‘कफी इन्डस्ट्री लिडरसिप एण्ड ब्रान्ड एक्स्पान्सन अवार्ड’ हिमालय जाभालाई प्रदान गरिएको छ।
‘हस्पिटालिटी ग्रोथ एण्ड इन्टरप्राइज एक्सलेन्स अवार्ड’ Siddhartha Business Group of Hospitality, ‘बेस्ट म्यानेज्ड कमर्सियल बैंक अफ द इयर’ Everest Bank तथा ‘बेस्ट बैंक इन डिजिटल फाइनान्सियल सर्भिसेज’ ग्लाेबल आइमई बैंकलाई प्रदान गरिएको थियो।
यस्तै, ‘बेस्ट म्यानेज्ड डेभलपमेन्ट बैंक अफ द इयर’ गरिमा विकास बैंक, ‘बेस्ट म्यानेज्ड फाइनान्स कम्पनी अफ द इयर’ Manjushree Finance Limited, ‘बेस्ट म्यानेज्ड जनरल इन्स्योरेन्स कम्पनी अफ द इयर’ नेपाल इन्स्युरेन्स कम्पनि लिमिटेड तथा ‘बेस्ट म्यानेज्ड लाइफ इन्स्योरेन्स कम्पनी अफ द इयर’ रिलाएबल नेपाल लाइफ इन्स्युरेन्सलाई सम्मान गरिएको थियो।
कार्यक्रममा बोल्दै अर्थमन्त्री वाग्लेले सरकारले सुशासन, आर्थिक पुनर्संरचना, कनेक्टिभिटी, सामाजिक क्षेत्रमा लगानी वृद्धि तथा प्रवासी नेपालीलाई लगानीमैत्री वातावरण सिर्जना गर्ने पाँच प्राथमिकतामा काम गरिरहेको बताए। न्यु बिजनेस एजका अध्यक्ष मदन लम्सालले नेपालको अर्थतन्त्र चुनौतीपूर्ण अवस्थाबाट गुज्रिरहेको उल्लेख गर्दै लगानीकर्ताको आत्मविश्वास पुनःस्थापित गर्न साहसिक नीतिगत सुधार आवश्यक रहेको बताए।
