काठमाडाैं - श्री सरस्वती माध्यमिक विद्यालयलाई एनआईसी एशिया बैंकद्वारा खानेपानी ट्यांकी र पम्प प्रदान गरेकाे छ । एन आई सी एशिया बैंकले आफ्नो संस्थागत सामाजिक उत्तरदायित्व अन्तर्गत गोदावरी–५, कैलालीस्थित श्री सरस्वती माध्यमिक विद्यालयमा स्वच्छ खानेपानी उपलब्ध गराउने उद्देश्यका साथ फिल्टरसहितको खानेपानी ट्यांकी र पम्प उपलब्ध गराएको हाे ।
विद्यार्थीहरुलाई स्वच्छ खानेपानी उपलब्ध गराउने उद्देश्यका साथ पानी फिल्टरसहितको ट्यांकी र पम्प प्रदान गरिएको हो । मिति २०८३ वैशाख १६ गते एक कार्यक्रमका बीच यस बैंकका सर्कल हेड–धनगढीका श्री दिपक विष्टज्यूले उक्त विद्यालयका प्रधानाध्यापक श्री योगेन्द्र राज ओझाज्यूलाई उक्त खानेपानी ट्यांकी र पम्प हस्तान्तरण गरे ।
फिल्टरसहितको खानेपानी ट्यांकी र पम्पले स्वच्छ खानेपानी उपलब्ध हुनुका साथै यसले विद्यार्थीहरुको स्वास्थ्य र शैक्षिक वातावरणमा समेत सहयोग पुग्ने बैंकले विश्वास लिएको छ ।
