काठमाडाैं - बर्दघाटमा ९२७ एम्पुल लागुऔषधसहित ३ जना पक्राउ पश्चिम नवलपरासीको इलाका प्रहरी कार्यालय बर्दघाटले बर्दघाट नगरपालिका वडा नं. ४, त्रिवेणी चोकमा बस जाँचको क्रममा ९२७ एम्पुल लागुऔषधसहित तीन जनालाई पक्राउ गरेको छ।
प्रहरीका अनुसार २ गते राति ११ बजे बसबाट ओर्लिएका व्यक्तिहरूलाई शंका लागि खानतलासी गर्दा रितिक परियारले बोकेको कालो झोलाभित्रबाट ठूलो परिमाणमा लागुऔषध फेला परेको हो। पक्राउ पर्नेमा २४ वर्षीय सृजना बल , २५ वर्षीय रितिक परियार र २१वर्षीय रोहित घर्ती रहेका छन्।
बरामद लागुऔषधमा Diazepam Injection – ३०९ एम्पुल, Buprenorphine Injection – ३०९ एम्पुल, Promethazine Hydrochloride Injection – ३०९ एम्पुल समावेश छन् ।
उनीहरूलाई नियन्त्रणमा लिई इलाका प्रहरी कार्यालय बर्दघाटमा राखी नवलपरासी जिल्ला अदालत, परासीबाट १५ दिनको म्याद थप गरी थप अनुसन्धान भइरहेको प्रहरीले जनाएको छ।
