काठमाडाैं - लेखिका पार्वती तिवारीको संर्घषकथा ‘पुर्पुरो’ सार्वजनिक भएको छ । मंगलबार एक कार्यक्रमबीच विभन्न क्षेत्रका अग्रज तथा साहित्यकारहरुको अपस्थीतिमा ‘पुर्पुरो’ सार्वजनिक भएको हो ।
बाल्यकालमा अथाह संर्घष, दुख र शहरी गरिवीको दुश्चक्रले प्रताडित बनेकी तिवारीले पुस्तकमा आफना ती पेचिला दिनहरु उतारेकी छिन् । आजका युवाहरुले आमाबाबाको अथाह माया, सुविधा र शुखका दिनहरु गुर्जादा पनि भनेजस्तो गर्न नसकिरहँदा तिवारीको आत्मकथाले धेरैलाई प्रेरणा दिनसक्छ । आफ्नी दिबंगत आमाले आफु र भाइलाई पढाउन गरेको अथक संर्घष, बाल्यकालमा भोगेका रोग, भोक, अभाव र दुख, संर्घष अनि अहिलेको आफनो सन्तुष्टी र प्रगतीलाई समेत पुस्तकमा उतारिएको छ ।
पार्वतीको कथामा शहरी गरिवी झन् कति पेतिलो छ र फराकिलो बन्दैछ भन्ने तस्विर देखिन्छ । यद्यपी शहरमा गरिवी मात्र छैन, मानवता पनि छन् र समाजसेवी हातहरुले धेरैको अन्धकार जिन्दगीलाई उज्यालो बनाएको पुस्तक बढ्दा थाहा हुन्छ । पार्वतीले आफनै कथावस्तुलाई जसरी साहित्यीक ढंगले पस्केकी छिन् त्यसले पुस्तक पढ्न जाँगर दिनेछ । भुईतहबाट उठेकी तिवारी अहिले एउटा ‘क’ बर्गको बैंकमा अधिकृत तहमा पुग्न सफल भएकी छिन् । उनको कथा धेरैलाई प्रेराणाको स्रोत बन्नसक्छ ।
पुस्तक सनातन प्रेस, वानेश्वरले मुद्रण गरेको हो । पुस्तकमाथी डा हेम भण्डारी, मर्हषि ल कलेजका नि. क्याम्पस प्रमुख दिनदयाल रेग्मी लगायतले टिप्पणी गरेका छन् । पुस्तकको मुल्य ५ सय रहेको छ । पुस्तकको वितरक भृकुटीमण्डपस्थित कालिन्चोक पुस्तक पसल रहेको छ ।
नेपाली समाजको प्रवृत्ति, उचनीच ब्यवहार, सामन्तपना र विभेद, गरिव तथा दनदुखीहरुलाई गरिने ब्यवहार र हेरिने दृष्टि लगायत तमाम सामाजिक प्रबृतिको आलोकमा यस कृति युवापुस्ताको लागि अत्यन्त सन्देशमुलक हुनेछ ।
