काठमाडौं- साहस उर्जा लिमिटेडको १२औं बार्षिक साधारणसभा सम्पन्न भएको छ । बबरमहल, काठमाडौंमा हालै कम्पनीका अध्यक्ष हिमप्रसाद पाठ्कको सभापतित्वमा सम्पन्न भएकाे हाे ।
सो साधारणसभाले संचालक समितिको तर्फबाट अध्यक्ष पाठ्कद्वारा प्रस्तुत कम्पनीको आ.व. २०८१/०८२ को बार्षिक प्रतिबेदन पारित गरेको छ । आ.व. २०८१/०८२ को लेखा परिक्षण प्रतिबेदनसहित आ.व. २०८२/०८३ को लेखापरीक्षक नियुक्ति तथा निजको पारिश्रमिक तोक्ने सम्बन्धको साथमा विशेष प्रस्तावहरुसमेत साधारणसभामा पारित भएका छन् ।
साधारणसभाले १.१०५३ प्रतिशतको दरले हुने रकम ४ कराेड १७ लाख ७८,हजार ९४७ रुपैयाँ ३७ पैसा नगद लाभांश वितरण गर्ने घोषणा गरेको छ। चुक्ता पूँजी ३ अर्ब ७८ कराेड रुपैयाँको २१ प्रतिशतको दरले हुने ७९ कराेड,३८ लाख रुपैयाँ बराबरको ७९ लाख,३८हजार रुपैयाँ कित्ता बोनस शेयर वितरण गर्ने भएको छ । त्यसैगरी बोनस शेयर वृद्धि पश्चात् हुन आउने चुक्ता पूँजी ४अर्ब,५७कराेड,३८ लाख रुपैयाँको १.१ बराबरको ४ कराेड ५७ लाख ३८ हजार रुपैयाँ कित्ता हकप्रद शेयर जारी गर्ने कम्पनीले जनाएको छ ।
हाल कम्पनीको अधिकृत पूँजी १० अर्ब रुपैयाँ रहेको छ भने जारी पूँजी ७ अर्ब५६ कराेड रुपैयाँ रहन गइ चुक्ता पूँजी ३ अर्ब ७८ कराेड रुपैयाँ भएकाे छ । ७० प्रतिशत सस्थापक शेयरधनी तथा ३० प्रतिशत सर्वसाधारणको शेयरको रुपमा कारोबार भइरहेको सो कम्पनीमा ८१५६ जनाको सस्थापक शेयरधनीहरुको लगानी रहेको छ ।
चालु आ.व.को कार्तिक मसान्तसम्ममा विद्युत बिक्रीबाट कम्पनीले १अर्ब २० कराेड २४ लाख २४हजार ७२४ रुपैयाँ प्राप्त गरेको साधारणसभामा जानकारी गराइएको थियो । यसैबीच साधारणसभामा शेयरधनीहरुबाट उठाइएका विभिन्न सवालहरुको जवाफ अध्यक्ष पाठ्क तथा अन्य पदाधिकारीहरुले दिएका थिए भने विविध कर्यक्रमको साथमा साधारणसभा सम्पन्न भएको थियो ।
