काठमाडाैं - नेपाल इन्स्योरेन्स कम्पनी लिमिटेडद्धारा आयोजना गरिएको फुटसल प्रतियोगिता भब्यताका साथ सम्पन्न भएको छ ।नेपाल इन्स्योरेन्स कम्पनी लिमिटेडद्धारा शुक्रबार र शनिबार सामाखुसी फुटसलमा आयोजना गरिएको फुटसलमा नेको इन्स्योरेन्स लिमिटेड प्रथम भएकाे हाे ।
प्रतियोगितामा नेपाल बीमा प्राधिकरण लगायत सम्पुर्ण, जीवन, निर्जिवन लघु, पुनर्बीमा कम्पनीहरु तथा सर्भेयरहरु सहित २५ संस्थाहरुबाट २८ टिमको सहभागिता रहेको थियो । उक्त प्रतिगितामा प्रथम हुने नेको इन्स्योरेन्स लिमिटेड, द्धितिय हुने नेपाल माईक्रो इन्स्योरेन्स कम्पनी लिमिटेड र तेस्रो हुने हिमालयन एभरेष्ट ईन्स्योरेन्स लिमिटेडका खेलाडीहरुलाई कम्पनीका संचालक समितिका अध्यक्ष चन्द्र सिंह साउद र प्रमुख कार्यकारी अधिकृत वीरकृष्ण महर्जनले प्रमाण पत्र, पदक तथा शिल्ड प्रदान गरेका थिए ।
उक्त प्रतियोगितामा Best Goal Keeper नेपाल माईक्रो इन्स्योरेन्स कम्पनी लिमिटेडका रोमन सिंह,Best Defender हिमालयन एभरेष्ट ईन्स्योरेन्स लिमिटेडका सुनिल थापा,Highest Scorer हिमालयन एभरेष्ट ईन्स्योरेन्स लिमिटेडका दिनेश कुमार सिंह र Best Player of the Tournament नेको इन्स्योरेन्स लिमिटेडका युकेश तामाङ्ग लाई ट्रफि प्रदान गरिएको थियो ।
साथै अनुशासित, मर्यादित र निष्पक्ष खेल खेलाए वापत रेफ्रिहरु र उक्त प्रतियोगिताका लागि Ground उपलब्ध गराउनु हुने सामाखुशि फुटसलका राजु महर्जनलाई कम्पनीका संचालक समितिका अध्यक्ष चन्द्र सिंह साउदले मायाको चिनो प्रदान गरेका थिए ।
