काठमाडौं– फेस्टिब २०२६मा सरिता र प्रवणको ‘द चेन्ज’ चयन भएको छ । आगामी ६ देखि १० जुनवरीसम्म बंगलादेशको बेगुरा सहरमा आयोजना हुने छैटौँ संस्करणको ‘बोगुरा इन्टरनेशनल फिल्म फेस्टिब २०२६’ (बिआईएफएस)मा नेपालबाट लघु चलचित्र ‘द चेन्ज’ (परिवर्तन) चयन भएको हाे।
महोत्सवको अन्तर्राष्ट्रिय समूहतर्फ नेपाली लघु चलचित्र ‘द चेन्ज’ (परिवर्तन) चयन भएको छ । सो महोत्सवमा यो चलचित्र ‘इन्टरनेशलन ओपन डोर समूह’मा चयन भएको छ । लघु चलचित्र ‘द चेन्ज’ (परिवर्तन) लाई डब्बु क्षत्रीले निर्देशन गरेका हुन् । यस अघि यो चलचित्र ग्रामिण चलचित्र महोत्सवमा चयन भएको थियो ।
ग्रामिण चलचित्र महोत्सवमा द चेन्जबाट डब्बु क्षत्रीले उत्कृष्ट निर्देशकको अवार्ड, प्रवण भुसालले उत्कृष्ट अभिनेताको अवार्ड र सरिता भारतीले अभिनेत्रीको जुरी अवार्ड जितेका थिए । यो लघू चलचित्रमा नेपाली समाजमा अझै विधामान महिनावारी हुँदा भन्सा र पानीबाट अलग राख्ने तथा पुरुषलाई छुनु नहुने जस्तो छुवाछुतको कुरीतिमाथि केन्द्रित छ ।
यस्ता कुरितीले समाजमा निम्त्याएका समस्याहरुलाई यो लघु चलचित्रमा समेटिएको छ । २१ मिनटको यो लघु चलचित्रलाई बिलक्षण क्रियसन प्रा.लि.ले निर्माण गरेको हो । जसमा अभिनेता प्रवण भुसाल, अभिनेत्री तथा गायिका सरिता भारती, कमला जोशी, माधवराज खरेल, शर्मिला शर्मा, सुरज अधिकारीसहितको अभिनय देख्न सकिन्छ । । रामशरण उप्रेतीको छायांकन रहेको लघु चलचित्र ‘द चेन्ज’लाई वीरेन्द्र भाट ‘विपिन’को सम्पादन, ओम सुनारको पाश्र्व संगीत गरेका हुन् ।
