काठमाडौं- हिन्दु नेपालीहरुको महान पर्व बडा दशैंको अवसर पारेर दशैं गीत ‘दशैंको टिका’ को भिडियो सार्वजनिक भएको छ ।
नेपाली चलचित्र क्षेत्रका निर्माता तथा अभिनेता ईश्वर थापाले दशैंको अवसर पारेर दशैं गीत ‘दशैंको टिका’ को भिडियो सार्वजनिक गरेका हुन् ।
विदेशी भूमिमा रहेर पनि नेपाली कला संस्कृती संरक्षणमा सदैव सकृय रहदै आएका छन् । सुदीप पाण्डेको शब्द, एडवर्ड थापाको स्वर हरेको गीतको भिडियोमा विष्णु ढकाल, लक्ष्मी ढकाल, दुर्गा दाहाल, अर्जुन सापकोटा, सुदीप पाण्डे, ईश्वर थापा लगायतको अभिनय रहेको छ ।
क्यानाडाको विन्ड्जरमा छायांकन गरिएको दशैंको माहोलमा परिवारजनको भेटघारलाई भिडियोमा कैद गरिएको यसमा संगीत, एरेन्ज र मिक्स ईश्वर थापा, छायांकन र सम्पादन हेरुका लामा, निर्देशन ईश्वर थापाकै रहेको छ ।
