काठमाडाैं - नेपालको ४२औँ तथा पहिलो महिला प्रधानमन्त्रीको रूपमा नियुक्त भई देश र जनताको सेवा गर्ने गौरवपूर्ण अवसर प्राप्त गरेकाे सुशीला कार्कीलाई गैरआवासीय नेपाली संघ र विश्वभरका गैरआवासीय नेपालीले बधाई र शुभकामना व्यक्त गरेकाे छ ।
ऐतिहासिक जेन–जी आन्दोलनको मर्मअनुरूप, जनताको हितमा जनताको म्यान्डेटलाई पूरा गर्न यहाँको नेतृत्वमा गठन भएको अन्तरिम सरकार सफल हुनेमा हामी विश्वभरिका गैरआवासीय नेपालीहरू पूर्ण विश्वास राखेकाे छ । नेपाललाई पुनः समृद्ध, शान्त र सुन्दर बनाउने साझा लक्ष्यमा, हामी विश्वभर छरिएर रहेका गैरआवासीय नेपालीहरू नेपाल सरकारसँग हातेमालो गर्दै पूर्ण सहयोग गर्न तत्पर छौं भन्ने प्रतिवद्धता पनि सम्माननीय प्रधानमन्त्रीसमक्ष व्यक्त गरेकाे छ ।
अन्त्यमा, देशलाई समृद्धिको मार्गमा दृढताका साथ अघि बढाउन विकसित परिस्थितिलाई सहर्ष स्वीकार गर्दै, नवनिर्वाचित सम्माननीय प्रधानमन्त्रीज्यूलाई सबै सरोकारवालाहरूले सहयोग र समर्थन गरिदिन गैरआवासीय नेपाली संघ हार्दिक अनुरोध गरेकाे छ ।
