काठमाडौं- बागमती प्रदेशका सांस्कृतिककर्मीको समूहले नवनियुक्त मुख्यमन्त्री इन्द्रबहादुर बानियाँलाई ‘चलचित्र विकास बोर्ड’को मागपत्र बुझाएका छन् । उनीहरुले बानियाँलाई स्वागत तथा सम्मान गर्दै उक्त माग राखेका हुन् ।
सांस्कृतिक महासंघका सभापति तीर्थ बहादुर थापाको नेतृत्वमा ‘बागमती प्रज्ञा प्रतिष्ठान’ र ‘बागमती चलचित्र विकास बोर्ड’को बानियाँलाई औपचारिक पत्र बुझाएका हुन् ।
मागपत्रमा गण्डकी, मधेस र सुदूरपश्चिम प्रदेशले गण्डकी प्रज्ञा प्रतिष्ठान, मधेस प्रज्ञा प्रतिष्ठान र सुदूरपश्चिम प्रज्ञा प्रतिष्ठान जस्ता संस्थाहरू गठन गरिसकेको सन्दर्भ दिँदै, बागमती प्रदेश सरकारले पनि भाषा–साहित्य, ललितकला, सङ्गीत तथा नाट्य विधा समेट्ने ‘बागमती प्रज्ञा प्रतिष्ठान’ यथाशीघ्र गठन गर्न माग गरिएको टोलीमा सहभागी नेपाल सांस्कृतिक महासङ्घमा महामन्त्री कलाकार शिवशंकर रिजाल ‘जोगिन्दर’ बताए ।
उनले भने,‘नेपाल चलचित्र विकास बोर्डजस्तै गरी बागमती प्रदेशको मातहत ‘बागमती चलचित्र विकास बोर्ड’ गठन गर्न माग गरेका छौं ।’लाकर्मीसँगको भेटमा मुख्यमन्त्री बानियाँले मागपत्र ग्रहण गर्दै यस विषयमा आफूले सकारात्मक ध्यान दिने आश्वासन दिएका थिए ।
