काठमाडौं- नेपालको सबैभन्दा ठूलो ट्राभल मार्केटप्लेस ट्रिप टर्बोले देशको सबैभन्दा ठूलो अनलाइन ट्राभल महोत्सवको दोस्रो संस्करण, ट्राभल मेला २०२५ घोषणा गरेको छ । ट्राभल मेला सेप्टेम्बरदेखि अक्टोबर २०२५ सम्म सञ्चालन हुने भएको हो ।
यो डिजिटल-फस्ट महोत्सवमा आकर्षक ट्राभल अफरहरू, साप्ताहिक फ्ल्यास सेल र रोमाञ्चक गिभअवेहरू समावेश छन् । यसमा एक भाग्यशाली विजेताले बैंककको राउन्डट्रिप फ्लाईट जित्न सक्ने टर्बाेले जनाएको छ । ‘ट्राभल मेला २०२५ मार्फत हाम्रो उदेश्य ट्राभल सबैका लागि सजिलो, रोमाञ्चक र फलदायी बनाउनु हो,’ ट्रिप टर्बोका संस्थापक शिखर प्रसाई भने,‘विशेष छुटदेखि बैंकक गेटअवे जस्ता उपहारसम्म, हामी नेपालभरका यात्रुहरूलाई अझ बढी अन्वेषण गर्न, बचत गर्न र ट्राभलको आनन्द लिन थप कारण दिइरहेका छौं ।’
ट्राभल मेला २०२५ भाग्यशाली विजेताहरूका लागि रोमाञ्चक पुरस्कारहरूको व्यवस्था गरिएको छ । सहभागीहरूले बैंककको राउन्डट्रिप फ्लाईट, हवाई बलुन राईड र हाईग्राउन्ड एड्भेन्चर्सका रोमाञ्चक अनुभवहरू जस्तै जिपलाइन, बञ्जी, स्काइ स्क्रिमर र एटीभी राईड जित्न सक्ने छन् । अन्य पुरस्कारहरूमा बुद्ध एयर माउण्टेन फ्लाईट, पोखरा फ्लाईट, १ रात/२ दिनको लक्जरी बसाई त्रिशूली भिल्लामा र स्काइवाक, प्याडल नेपाल स्ट्यान्ड अप प्याड्लिङ, फन ल्याण्ड आईस स्केटिङ पास जस्ता अरु धेरै एड्भेन्चर गतिविधिहरू रहेको टर्बाेले उल्लेख गरेको छ ।
टर्बाेका अनुसार,‘यात्रुहरूले महोत्सव अवधिभर आकर्षक अफरहरूको फाइदा लिन सक्छन् । विभिन्न गतिविधिहरूमा ५०% सम्म छुट, अल्ट्रालाइट फ्लाईट, प्याराग्लाइडिङ, बञ्जी, राफ्टिङ, क्यानोनीङ, एटीभी (क्वाड बाईक) र अन्य धेरैमा ६ हजार ५००रुपैयाँसम्म छुट पाउने व्यवस्था छ । साथै विशेष फायर सेल अवधिमा बस र उडानमा ३०० रुपैयाँसम्म छुट पाउन सकिन्छ ।’
ट्रिप टर्बो प्रयोगकर्ताहरूले आफ्नो टीटी कोइन्स, ट्रिप टर्बोका लोयल्टी पोइन्टस्, प्रयोग गरेर विशेष छुट र फ्रीबीहरू पाउन सक्छन् । यस उडानमा ३०० स्पैयाँ छुट, बसमा १०० रुपैयाँ छुट, निःशुल्क क्यूएफएक्स चलचित्र टिकट, फूडमान्डू अर्डरमा ५०० रुपैयाँ सम्म छुट, बिगमार्टमा ५००रुपैयाँ सम्म छुट र अल्टिमा प्रोडक्टस्मा ७०० रुपैयाँसम्म छुट पाउन सकिने छ । प्रयोगकर्ताहरूले हवाई बलुन राईड, प्याराग्लाइडिङ, एटीभी राईड, त्रिशूली भिल्ला बसाई र अन्यमा १ हजार ३५० सम्म छुट पाउन पनि सक्ने व्यवस्था टर्बाेले गरेको छ।
यो अवधिभर ट्रिप टर्बो प्लेटफर्ममार्फत कुनै पनि उडान, बस वा गतिविधि बुक गर्ने सबै ग्राहकहरू स्वचालित रूपमा गिभअवेमा सहभागी हुनेछन् । यसको बारेमा थप जानकारीका लागि ट्रिप टर्बो डटकम मा सम्पर्क गर्न सकिन्छ ।
