काठमाडौं- नेपाल सुनचाँदी व्यवसायी महासंघका अनुसार नेपाली बजारमा बिहीबार सुनको मुल्यले नयाँ रेकर्ड ल्याएकोे छ । सुनको मूल्य आज तोलामा४०० रुपौयाँले बढेर अहिले सम्मकै उच्च रहेको छ । सुन आज प्रतितोला १ लाख ९९ हजार ४०० रुपैयाँमा कारोबार भइरहेको छ ।
बुधबार सुन तोलामा १ लाख ९९ हजार रुपैयाँमा कारोबार भएको थियो । साथै तेजाबी सुनको मूल्य पनि बढेको छ । बुधबारको तुलनामा ३४५ रुपैयाँले बढेर प्रतितोला १ लाख ७० हजार ९५५ रुपैयाँमा कारोबार भइरहेको महासंघले जनाएको छ ।
त्यस्तै आज चाँदीको भाउ पनि बढेको छ । नेपाली बजारमा १० रुपैयाँले बढेर चाँदी आज २ हजार ३५५ रुपैयाँ कायम भएको छ । हिजो चाँदी तोलामा २ हजार ३४५ रुपैयाँमा किनबेच भएको थियो ।
