काठमाडौं- ऊर्जा, जलस्रोत तथा सिँचाइमन्त्री दीपक खड्काले तीज पर्वले आपसी भाइचाराको सम्बन्ध कायम गरेको बताएका छन् ।
सङ्खुवासभा-काठमाडौँ जर्नालिष्ट एसोसिएसन (एसकाज)ले तीज पर्वका अवसरमा आयोजना गरेको ‘सामूहिक तीज कार्यक्रम’मा उनले तीज पर्वले आपसी भाइचाराको सम्बन्ध कायम गर्दै लगेको बताएको हुन् मन्त्री खड्काले विगतमा हिन्दू महिलाको चाडका रूपमा मात्र लिने तीज पर्व पछिल्लो समय सबैको साझा पर्वका रूपमा विकास हुँदै गएको बताए । उनले भने,‘मानसिक र शारीरिक थकान मेटाउने माध्यम तीज पर्व हुँदै गएको छ ।’
नेपाल कम्युनिष्ट पार्टी (एमाले)का नेता राजेन्द्र गौतमले महिला सशक्तीकरणमा तीज पर्वले खेलेको भूमिका महत्त्वपूर्ण रहेको बताउए । समयको परिवर्तनसँगै तीज व्यावसायिक हुँदै गएको उनको भनाइ थियो ।
