काठमाडौं- वैदेशिक रोजगार ठगी सम्बन्धी कसूर मुद्दाका फरार प्रतिवादी प्रहरीले पक्राउ गरेको छ । पक्राउ पर्नैमा बुढानिलकण्ठ नगरपालिका ९ बस्ने बझाङ बंगुल नगरपालिका ६ घर भएका २९ वर्षीय त्रिलोक सिंह हुन् । उनलाई प्रहरीले मंगलबार पक्राउ गरेको हो ।
मुद्दामा फरार रहेका उनलाई काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले इलाका प्रहरी कार्यालय शिशुवा कास्कीको समन्वयमा कास्की पोखरा महानगरपालिका २७ डाँडाकोनाकबाट पक्राउ गरेको हो ।
उनलाई आवश्यक अनुसन्धान तथा कारवाहीको लागि वैदेशिक रोजगार विभाग ताहाचल काठमाडौं पठाइएको प्रहरीले जनाएको छ ।
