काठमाडौं- इजी रेमिट र नियो मनी ट्रान्सफरबीच छिटो, भरपर्दो र सुरक्षित रेमिट्यान्स सेवा प्रदान गर्न भुक्तानी सम्झौता भएको छ।
सम्झौतापछि अब इजी रेमिटको माध्यमबाट नियो मनी ट्रान्सफरमार्फत नेपालका कुनै पनि बैंक खातामा वा भुक्तानी सेवा प्रदायकका वालेटमा रकम पठाउन सकिनेछ । साथै, नियो मनी ट्रान्सफरका देशभर रहेका स्थानीय एजेन्टहरूबाट पनि रकम प्राप्त गर्न सकिने व्यवस्था हुनेछ ।
यो साझेदारीले अनौपचारिक माध्यमको सट्टा भरपर्दो र आधिकारिक माध्यममार्फत रकम पठाउन प्रोत्साहन गर्ने अपेक्षा गरिएको छ । इजी रेमिटको विश्वव्यापी सञ्जाल र नियो मनी ट्रान्सफरको नेपालभर फैलिएको बलियो सञ्जालको संयोजनले रेमिट्यान्स भुक्तानीलाई अझ सहज र सरल बनाउने दुवै पक्षको विश्वास छ ।
नियो मनी ट्रान्सफरका सिइओ सागर खनालले भने,‘इजी रेमिटसँग मिलेर अझ राम्रो रेमिट्यान्स सेवा दिन पाउनु हाम्रो लागि सम्मानको कुरा हो। हाम्रो संयुक्त प्रयासले पैसाको लेनदेनलाई छिटो र भरपर्दो बनाउनेछ, साथै औपचारिक माध्यमको प्रयोग बढाएर देशको वित्तीय प्रणालीलाई मजबुत बनाउन मद्दत गर्नेछ ।’
