काठमाडौं- सानिमा रिलायन्स लाइफ इन्स्योरेन्स लिमिटेडको ‘ब्राभो एनुअल कन्क्लेभ २०८२’ सम्पन्न भएको छ । आर्थिक वर्षको कार्य मूल्यांकन, उत्कृष्ट कर्मचारीहरूको सम्मान तथा आगामी वर्षको योजना तर्जुमा गरी सम्पन्न रहेको छ ।
कार्यक्रममा कम्पनी सञ्चालक समितिका अध्यक्ष रतनलाल केडिया, प्रमुख कार्यकारी अधिकृत शिवनाथ पाण्डे, वरिष्ठ नायव प्रमुख कार्यकारी अधिकृत राकेश पोखरेल, नायव प्रमुख कार्यकारी अधिकृत निराजन कँडेल, प्रमुख व्यवसाय अधिकृतहरू, प्रदेश प्रमुखहरू, विभागीय तथा क्षेत्रीय प्रमुखहरू, एरिय म्यानेजर, शाखा प्रबन्धक, मार्केटिङ अफिसर तथा कस्टमर सर्भिस एक्जुकेटिभहरू सहभागिता थियो ।
अध्यक्ष केडियाले कम्पनीले अघिल्लो आ.व.मा ७०० करोड रुपैयाँको बीमाशुल्क संकलन गर्न सफल भएकोमा सम्पूर्ण टिमलाई बधाई दिएका छन् । प्रतिस्पर्धात्मक बजारमा अग्रस्थान हासिल गर्न नयाँ प्रविधि र सोचको अपनत्व, तथा नयाँ अभिकर्ता विस्तारमा जोड दिनुपर्ने उनको भनाई छ ।
प्रमुख कार्यकारी अधिकृत पाण्डेले सम्भव र असम्भवबीचको सीमालाई मेहनत, एकता र सकारात्मक सोचले पार गर्न सकिने उल्लेख गर्दै, लक्षित उपलब्धिको लागि ठोस कार्ययोजना सहित अघि बढ्न निर्देशन दिए । कार्यक्रममा गत वर्ष उत्कृष्ट कार्य सम्पादन गर्ने क्षेत्रीय प्रबन्धक, एरिय म्यानेजर, शाखारउपशाखा प्रमुख, मार्केटिङ अफिसर तथा कस्टमर सर्भिस एक्जुकेटिभहरूलाई सम्मानित गरिएको थियो ।
वरिष्ठ नायव प्रमुख कार्यकारी अधिकृतले नयाँ तथा आकर्षक बीमालेखहरू मार्फत ग्राहक संख्यामा वृद्धि गरिने जानकारी दिए । नायव प्रमुख कार्यकारी अधिकृत कँडेलले गत वर्षको डेटा विश्लेषण प्रस्तुत गर्दै कम्पनीलाई नयाँ उचाइमा पुर्याउन कर्मचारीहरूको समर्पण आवश्यक भएको बताए ।
-1752335779.jpg)
