काठमाडौं- ज्योति विकास बैंक लिमिटेडले आफ्नो १७औं वार्षिकोत्सव सम्पन्न गरेको छ । वि.सं. २०६५ सालमा स्थापना भएको बैंकले शुक्रवार आफ्नो १८औं वर्षमा प्रवेश गरेको घोषणा गर्यो ।
बैंकको प्रधान कार्यालयमा आयोजित कार्यक्रममा अध्यक्ष हरि चन्द्र खड्काले दीप प्रज्वलन गर्दै उद्घाटन गरेका थिए । उक्त अवसरमा बैंकले आफ्नो नयाँ डिजिटल सेवा ‘एआई च्याटबट ज्योति’ सार्वजनिक गर्यो । यसमार्फत ग्राहकले सरल भाषामा २४७ बैंकिङ्ग जानकारी प्राप्त गर्न सक्नेछन् । साथै, बैंकले इन्टरबैंक टेलर क्यु आर सेवा सुरु गरेको छ । जसले मोबाइल एप वा खल्ति वालेटमार्फत खाता नभएका व्यक्तिलाई पनि नगद झिक्न दिने जनाएको छ ।
सामाजिक उत्तरदायित्वअन्तर्गत बैंकले ‘हाम्रो विकास प्रवद्र्धन कोष’ स्थापना गरी विविध कार्यक्रम सार्वजनिक गरेको छ । तिलगंगा इन्स्टिच्युटसँग सहकार्यमा सप्तरीको कञ्चनरुपमा आँखा शिविर, राष्ट्रिय आविष्कार केन्द्रमार्फत १० वटा बेबी वार्मर जडान, ई–नेबल नेपालसँग मिलेर १७ जना फरक क्षमता भएका बालबालिकालाई थ्रीडी प्रविधिमा निर्मित कृत्रिम हात वितरण तथा लुम्बिनी वल्र्ड पिस फोरमसँग सातै प्रदेशमा १,७०० वृक्षारोपणको योजना सार्वजनिक गरेको छ ।
कार्यक्रममा ‘ज्योति गेट ट्यालेन्ट’ प्रतियोगिता, रक्तदान तथा स्वास्थ्य शिविर पनि सम्पन्न भएको थियो । दीर्घकालीन सेवाका लागि १० र १५ वर्षदेखि कार्यरत कर्मचारीलाई सम्मान गरियो। अध्यक्ष खड्का र सीईओ कपिल ढकालले ग्राहक, शेयरधनी, नियामक र कर्मचारीप्रति आभार व्यक्त गर्दै आगामी दिनमा सामाजिक समृद्धिमा थप योगदान गर्ने प्रतिवद्धता जनाए ।
-1752335779.jpg)
