काठमाडौं–राजश्व छली गरिएका अवैध विद्युतीय उपकरण सहित चिनियाँ नागरिकलाई प्रहरीले प्रकाउ गरेको छ । काठमाडौं महानगरपालिका वडा न. ३२ पुरानो सिनामंगल बस्ने ३८ वर्षीय यू वानजीलाई मंगलबार दिउँसो प्रहरीले पक्राउ गरेको हो ।
काठमाडौं पुरानो सिनामंगल एरियामा चिनियाँ नागरिक समेतका व्यक्तिहरूले अवैध रूपमा विभिन्न कम्पनीका ल्यापटपका पाटपुर्जा तथा ब्याट्री, सिसि क्यामेरा लगायत बिल बिजक नभएका राजस्व छली गरिएका सामान तथा पाटपूर्जा ल्याई भण्डारण तथा बिक्री वितरण गर्ने गरेको भन्ने सूचनाको आधारमा उनलाई काठमाडौं सिनामंगल पन्चमुखी चोकबाट पक्राउ गरिएको हो ।
काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले उक्त कार्यमा संलग्न पाएकोमा उनी पक्राउ परेका हुन् ।प्रहरीले उनको साथबाट बिना बिल बिजक राजस्व छली गरिएका २ करोड १९ लाख ७६ हजार ७ सय रूपैयाँ बराबरको विभिन्न कम्पनीका ल्यापटपका पाटपुर्जा तथा ब्याट्री, सिसि क्यामेरा, एचडी क्यामेरा लगायतका सामन समेत बरामद गरेको छ ।
उनलाई थप आवश्यक अनुसन्धान तथा कारवाहीको लागि राजश्व अनुसन्धान कार्यालय हरिहरभवन ललितपुर पठाइएको प्रहरीको जनाएकाे छ ।
-1752335779.jpg)
